15 49.0138 8.38624 1 1 4000 1 http://wyrta.com 300

Sdang pynman ka ABVP ya ka Knowledge Test ha ki skur ka WJH

0 Comments
Advertisement ad1
Advertisement ad1
Advertisement ad1

Jowai: Ka Akhil Bharatiya Vidyarthi Parishad (ABVP) – Jaiñtia Hills District Unit ynne ka sngi da sdang pynman ko ya ka Knowledge Test ya ki khynnah skur yong ki skur waphær waphær hapoh ka ri-loom Jaiñtia deiwa sdang chwa na Jowai Public Secondary School, Jowai.

Yani kini ki test da bhah ha ki ar bynta, kawi neibynta ki khynnah Class IX wa Class X wei kawi won toh neibynta ki Higher Secondary School namo ki Class XI wa Class XII.

Hapoh kini ki test da kylli yutip hajrong ka Current Affairs, ka General Knowledge, ki bynta wa yatoh wa ka syllabus ha skur wei kamjooh hajrong ki bru wa khroo pyrkhat namo kiwa pawnaam napoh ka jylla wa ka ri.

Ya kani ka test da leh khnang wow pynman ya ki khynnah kiwa da pynkhreh lada emkaam ki wow lai thoh ya ki exam waphær waphær nadooh i yaleh wow lai puræ hadooh u yaleh kreh kam ki DSC, MPSC, UPSC wa kiwi kiwi.

Ha Jowai Public School da chimbynta hadooh palat 50 ngut ki khnnah Class IX wa Class X kani ka skur.

Neiliang ka ABVP da pyntip ko wa daw pynman ya kani ka Test ha ki skur wa em ha Jowai wa ka ri-loom Jaiñtia wei daw pynkup burom ya ki le ngut kiwa heh marks dooh ha kawi pa kawi ka skur.

Pasi uwi u khynroo ha Iawmusiang, Jowai

Previous

Beh seiñ ka PDF ya ki 3 MDC sa chi bnai neidaw....

Next

0 Comments

Leave a Reply