Advertisement ad1

Jowai: Ka KSU iong ka laskeiñ circle da wan sakhi ki da ki khmat iong ki yei yi iwa kini ki le tylli ki chnong da ood bha ki wa sih ware u surok iong ki. Ki bru iong kini ki chnong da chem jinjar bha ki ha i lai i wan neidaw wada joor ware wa sih u sarok. Ia u ni u sarok da kreh ha u Kmaichonglad 2014 wei wada neh u kamwa du kattu katni bnai hi eh. Da ong haroh ki tre chnong wa ia u ni u sarok da chna kamwa pyrchang eh ia ki tiar thymme iong ki contractor wa chna ia u ni u sarok.

U General Secretary iong ka KSU u waheh Leningred Tariang Laskeiñ Circle da ong u wa ia u ni u sarok da chna katkam wa tip ki toh 6 klur katwa hei peit iong ki won wa tang 6 lak leh ym poi hei lut hei sep u pynchna ia u ni u sarok. Da ong haroh u wa ia kam kini ki contractor toh u pynchitom katkam ka aiñ hei wa da khaler ki u chna næ chna tangdep rukom hi eh.

Advertisement ad1

U waheh chnong iong ka chnong khloo kynriñ u P. Lapasam da ong u wa ki paidbah iong kini ki chnong da chem jinjar bha khamtam heipor miet wei por wa em kiwa kjut chitom.

U waheh Welborn Pasleiñ u secretary iong ka chnong Myntriang da klam u hei iatoh wa u ni u sarok wa ia u ni u sarok da chna la kam wa leh beiñ ia ki nong chong chnong iong kini ki thaw. U sarok da man sakhiat u la kam wym toh u wa dang dep chna, yoo kamwa ym em hi u chna.

Uni u contractor da chna u la kam wa pynlut sepai hi eh ia ka poisa iong ka sorkar bei. U contractor wa chna ia u ni u sarok toh pyn u diah iong u MLA iong katai ka thaiñ hi u Hilarious Ymbon khana kini ki tre chnong. Da khana chooh chooh ki wa uni u sarok da neh u kamwa du chibnai don hi hadien wa dep u chna.

Nieliang ki nongthoh khubor da ioh lad ki u iaklam wa u EE PWD, Jowai North Division. bah L Kharmawlong, da khana u wa i pynkreh ia uni u sarok man i 10 km ha idor 6 klur tyngka. U EE da ong u leh wa ia ini i sih u sarok u kontraktor hap kreh u deiwi wei i luti sep hap klah u na kata iong Oo hi.

Share this:
Share on Facebook0Tweet about this on TwitterGoogle+0
Advertisement ad1