Advertisement ad1

Shillong: Ka seiñ Khun Hynniewtrep National Awakening Movement (KHNAM) ynne ka sngi da pynbna ko wa ka smat ko wow krehlang wa kiwi ki seiñ saiñ hima yong ka jylla.

Ya kani ka rai da chim hadien ka yalang Central Executitve Committee (CEC) ka wa pynman ynnin ka 23 tarik.

Advertisement ad1

U working president ka KHNAM u Adelbert Nongrum da ong u wa lada kiwi em sakhit ki katæ ka mynsien yatylli toh u pynyoo ki da i kaam.

Da ong u wa sñiawngooh u ya u HS Shylla wa chim u ya kani ka luti wow tyrwa ya i yatylli hapyrdi ki seiñ saiñ hima ka jylla tangwa ym pu em bha sñiawthooh ya kam kawon ka yatylli wa mut ki.

Heijooh i por da ong u wa ka United Democratic Party (UDP) kamwa man kattæ hi man ko ka dkhot yong ka North East Democratic Alliance (NEDA) wa yah khmat da ka BJP.

U Nongrum leh da ong u nachwa ki seiñ saiñ hima ka jylla yatylli ki du ha chwa ka election tangwa hadien won da sdang ki u chaad cha wah cha neiñ.

“Lada ka UDP, HSPDP wa ka KHNAM krehlang ki nga da tikna O wa ka BJP ym emlaad ko hapoh ka jylla Meghalaya” da ong u Nongrum.

Also Read: Dei khle nasib yoh Montri Rangbah ka Meghalaya ha u snem 1978

Share this:
Share on Facebook0Tweet about this on TwitterGoogle+0
Advertisement ad1
Advertisement ad1