15 49.0138 8.38624 1 1 4000 1 http://wyrta.com 300

Sñiaw phylla ka MSSASA ya i kam ka JYF wa em 21,756 ngut kiwa sikai SSA

0 Comments
Advertisement ad1

Shillong: Ka synjuk yong kiwa sikai SSA hapoh ka Jylla, ka Meghalaya SSA School Association (MSSASA) seiñbei da sñiaw phylla ki yei kam ka wi ka seiñbhalang na ri-loom Jaiñtia ka Jaintia Youth Federation (JYF) wa em hadooh 21,756 ngut kiwa sikai SSA kiwa da mang (Sanctioned) neibynta ka jylla Meghalaya kiwa yoh tulop lyngba i yarap poisa na ka Scheme yong ka sorkar pyrdi ka Sarva Shiksha Abhiyan hadooh 31 u Wisu (March) 2017.

U Aristotle C Rymbai, President ka MSSASA da pyntip u wa kiwa sikai SSA kiwa da mang neibynta ka jylla Meghalaya em ki 13,417 ngut kiwa kynthup 6,687 ngut kiwa sikai ha ki Lower Primary School wa 6730 ngut kiwa sikai ha ki Upper Primary School ymtoh kamwa kam u Wanbun Dkhar, Socio Economic Secretary ka Jaiñtia Youth Federation (JYF) ha ka khubor wa mih kawa ong wa em hadooh 21,756 ngut.

Advertisement ad1

Na kini ki 13,417 ngut ki kaam sikai wa da mang (Sanctioned) hapoh ka SSA, 12,541 ngut dadep thung kreh ya ki heiwa 12,481 ngut toh kiwa da thung hapoh u snem 2015 wei sa 48 ngut ha Lower Primary wa 12 ngut ha Upper Primary da thung ha u snem 2016, wei ki kaam wa dang lait em ki 876 tylli heiwa 873 tylli ha ka kyrdan Lower Primary wa 3 tylli ha ka kyrdan Upper Primary, pynrap chooh chooh u Rymbai.

Ka Synjuk da kyrpaad ko leh ya kiwa yahkhmat ka JYF wow thooh bniah ki chwa wow pynbna paidbah yow lait u mih i kulmar ya ki paidbah khamtam kiwa sikai SSA.

Also Read: Chukor ka sorkar u Dr. Mukul ya kiwa sikai skur SSA hei yatoh wa ka tulop: JYF

Wiar u Maylo Pyngrope

Previous

Ar tylli ki metyap wym em wa wan kam na Shillo....

Next

0 Comments

Leave a Reply