Jowai : Hei chong dorbar wa kyrpang ka JHADC wa tip kam ka ‘Emergent Special Session’ ka wa da pynman ynne ka sngi ka 21 tarik da chong pyrkhat hei yatoh wow pnybait ya ka aiñ synchar chnong synchar elaka wa tip kam ka ‘Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong Bill 2015’.

Ya kani ka Bill kattu da phah la ar sien cha u lat ka jylla wei daw phah biang chwa ka 24 tarik uni u bnai cha u lat hadien wa ka JHADC da dep pynbeit pynkylla ko ya ki kyndon katkam wa phah u lat ka jylla u V. Shanmuganathan.

Advertisement ad1

Ki kattu katni ki kyndon wa phah pynkylla da u lat da phah batai næ define ya i jingmut i kyntien “Indigenous Tribes’ namo ki tre ri ne tre thaw, pyndooh yei ktien ‘Migrant Laborer’ namo ki bar jylla wa mih ha ka Section 31 (15) hei yatoh wa i ujor cha ki bor ka aiñ hei yatoh wa em ki bar jylla hapoh u pood u ang ka chnong ki wa tyngkhaiñ ya ki aiñ ka council kamjooh ka sorkar.

Ha ka Section 31 (14) u booh sei kyntien “or presence of any foreigner in the village” namo u pyntip cha ki bor ka aiñ lada chem wa em ki bar ri hapoh u pood u saam ka chnong.

Da phah pynbait leh ya ka section 31 (20) hei yatoh wa i rukom chim poisa ki Waheh Chnong deiwa phah booh sa i kyndon wa ya i dor wa chim ki Waheh Chnong toh u mynjur da ka Dorbar Chnong chwa.

Hei yatoh wa ka Section 3 (1) (d) ka Bill wa ong wa ym ye ki Civil Court u bichar hei yatoh wa u pood u saam ki Elaka leh da yoh i mynjur na u lat lada ka Law Depratment chem ko wa ini man i wa em nongrim u booh ha kani ka bill.

Kamtæ u CEM ka JHADC u ma Thombor Chiwat sniaw tikna u wa ka council da dep bood lut ko ya waroh ki kyndon wa da phah u lat wei da yoo luti wa ha ki sngi wa sdang thymme u snem u lat u mynjur u pynkylla aiñ ya ka Bill ka council. Kamjooh da ong u waroh iwa da kylla ha ka Bill ym ktah ko ya ka imlang sahlang ki paidbah.

Share this:
Share on Facebook0Tweet about this on TwitterGoogle+0
Advertisement ad1