Advertisement ad1

Jowai: Ka Hynñiewterp Student Union-Thadlaskein Circle da kam ko wa da chemdien ko yei leh habra ka MeEcl hajrong ki bai bordiñ ha ka thaiñ Thadlaskein katkam i ong u Organising Secretary ka seiñ u F. M. Shadap.

Da ong u wa i sñiawsih ya ki kaam ka yong ka MeECL neibhah ka da chim kabu ko ya kiwa chong cha ki nongkyndong. Neiliang ka seiñ ka da yoh ko ya ki ujor na ki paidbah yong ka thaiñ Thadlaskeiñ wei hadieñ wa ka seiñ da pyrchang ko u booddien ya kani da chem ko wa em ki kattu katni ki yung wa ym em de u krehkaam u Meter ki tangwa i bai bordiñ won dang ku dang ku i katwa dang mih ki bnai.

Advertisement ad1

Chooh chooh neiliang ka seiñ da ong ko wa da yoh ujor ko na ki paidbah wa kiwa saam bai bordiñ da wan ki hadien wa kut ka tarik wa da dep booh wow su wei ym jooh em hi leh wan ki man u bnai.

Ini waroh ka seiñ ym ye ko u pdiang ya kini ki kaam wa man pyrchah paidbah, pyrchah imlang sahlang wei ka seiñ ym chong kli kti ko wei daw booddien ko ya ini i habra i rukom krehkaam kani ka tnat bordiñ.

Share this:
Share on Facebook0Tweet about this on TwitterGoogle+0
Advertisement ad1
Advertisement ad1