Advertisement ad1

Ampati: Ha ka sien wa nyngkong nadooh wa pynkha ya ka South West Garo Hill District da leh warom ya ka sngi International Literacy Day ha Ampati wa pynman da ka District Unit ka Sarva Siksha Abhiyan (SSA) ynnin ka 8 tarik.

Da sdang ya kani ka sngi da ka lai kjat ki khynnah skur yow pynbna paidbah yei emkaam ka puræ puthi heiwa da emlang leh kiwa sikai.

Advertisement ad1

U Deputy Commissioner wa man leh u Chairman ka District Unit, SSA, u Cyril V. Diengdoh da ong u wa i tip u thoh u puræ toh iwa emkaam bha ha i wei lyngba ka SSA da ye ko u leh ya ini heiwa boon ki khynnah da yohlaad ki u lai skur.

Tangwa ong u sñiawsih won u yoo wa du 26% donhi ki khynnah wa yaleh SSLC wa pass napoh ka district kamtæ da kylli wa ki khynnah yoh sakhiat ki ya ka sikai wa biang da ong u leh wa em kiwa sikai ym em lai skur tista ki wei ym biang leh u pynkrehkaam ya ka Mid Day Meal Scheme i wym ye u pdiang.

Da pynkynmoo u ya ki School Managing Committee, kiwa sikai, ki bei ki pa wow pyntikna ki wa ki khynnah yoh ki i stat i tip wa biang wa skem nadooh wa dang khian wei wow kylla noh yei rukom krehaam neibynta ka mynried ki khynnah.

Ha kani ka sngi da saam leh ya ki kot ki sla wa ki tiar ki tar cha ki khynnah Out of School Children kiwa dang sdang u lai skur, da em leh ki rwai ki chaad wa ki leh drama wa tbian yow pynkynmoo yei emkaam ka puræ puthi.

Share this:
Share on Facebook0Tweet about this on TwitterGoogle+0
Advertisement ad1