15 49.0138 8.38624 1 0 4000 1 https://wyrta.com 300 0
Advertisement ad1

Suba chah tynyap uwi ha kiwa hayung ha Jowai

0 Comments

Jowai: U SP ka West Jaiñtia Hills, u Lakador Syiem ynne ka pyntip u wa hadien wa yoh yutip ki na ki paidbah ynnin ka sngi wa ha ka 13 tarik i miet uwi u bru uwa duna i bor pyrkhat ya uwa da tip kam u (T) Riwano Passah (44 snem), na Wahnangbah, Iawmusiang, Jowai da suba wa chah dat u hadooh wa yap ha kiwa hayung yong oo hi.

Mar tip yeini ki pulit da pynman ki yei takit wei da takit ki leh ya ki kattu katni ngut kini kiwa hayung wei da chimkti leh ya ki tiar wa suba wa da pynemkaam wow pynmynsoo ya oo.

Chooh chooh da ong wa ya u Riwano da tlep ya oo pyn ynnin i janmiet heipor kamwa 4:00-5:00 i janmiet khlem pyntip ya ki pulit yeiwa jia.

Da suba wa kani ka kaam toh kawa man ka kaam tynyap bru wei ki pulit da rah ki leh ya ki 6 ngut kiwa hayung wow pynman ya ka takit ya ki.

Neiliang ki pulit da ujor FIR ki wei da paan bor ki na ka yung kasari wow sai ya i metyap u Riwano khnang wow leh ya ka Postmortem wow pynsakhiat yeiwa jia, wei katkam wa man katni dang yang ya ka hukum ka Kasari.

0 Comments

Leave a Reply