15 49.0138 8.38624 1 1 4000 1 http://wyrta.com 300

Syir mynsien ki paidbah ka Sutnga Saipung heipor Election MLA
Chah dat uwi wei chah tympiah yit ki kari

0 Comments
Advertisement ad1

Jowai: Ka Election MLA ha uni u snem hapoh 5 Sutnga Saipung Constituency da pyn syir mynsien ko ya ki paidbah ka Constituency neibhah wa ha kini ki ar sngi wa dadep da chah tympiah ki yit yong ki soo tylli ki kari, da chah dat uwi wei chah pakhot moo ki kari hapoh ka Constituency.

Ha i step synyaw ka 8 tarik heipor kamwa 1:00 waje hapoh ka chnong Moopala kawi ka Gypsy wa em u No. ML 05J 3529 ka yong u Sturdyman Synnah uwa na ka chnong Sutnga da chah tympiah ka Windshield ko ha ki damok wym tipmit kiwa da wan da ka Gypsy wa lieh kawa em u No. ML 04B 0677 ka yong u M. Nongtdu.

Advertisement ad1
Advertisement ad1

Hadien ini kini ki damok da dat da bom ki oo u Synnah hadooh wa mynsoo u wei neiliang yong oo da ujor u ha ki pulit ynne ka sngi heiyatoh wa ini iwa da jia.

Ha ka 10 tarik nawon heipor kamwa 12:00 waje i synyaw kawi ka kari Maruti Celerio rong Blue kawa em No. ML 11 0876 ka yong u Behopeful Suting da chah tympiah ka Windshield ko ha ki damok wa wan da ka Gypsy kawa kdoh ya ka lama ka NPP, wei ini da jia i ha chnong Sutnga.

Neiliang u Suting da ujor FIR u ynnin ka sngi.

Ha ka jooh ka synyaw ka 10 tarik heipor 2:00 waje nawon da chah tympiah ka Windshield ki ar tylli ki kari ki yong u C. Nongtdu kiwa da pynyieñ ha pchem yung yong oo ha Sutnga ha ki damok wym tipmit.

Kini ki kari kynthup ki ya ka i20 wa em u No. ML 05 N 5613 wa ka Gypsy wa lieh wa em No. ML 04 A 2209 wei hadien ini neiliang u Nongtdu da ujor u ha ki pulit ynnin ka sngi.

Kini ki kaam pteiñ ki sa ha iwi i yung u F. Dkhar ha Sutnga heiwa ki damok ki wym tipmit da wan ki ha ki ar tylli ki Gypsy wei da pakhot moo ki ya kawi ka kari Hyundai Creta wei uni u moo da toh u ha chram wei heijooh i por da pakhot ki leh ya uwi u klong beer dei thmu wow pakhot ha ka kari Nissan Micra tangwa uni u klong da toh u ha ka gate ini i yung. U F Dkhar da pyntip u leh wa kini ki ar tylli ki kari da tem ki dei sur Election u kyrtong ka NPP u Hopeful Bamon.

Kini kiwa jia waroh da suba wa man kiwa yatoh wa ka Election neibhah kini ki tre kari, u tre yung wa uwa chah dat toh kiwa kyrchaan wa kiwa kitkaam election ya u Kyrtong ka Congress u Shitlang Pale.

Kini waroh da kyntu ki ya ki bor ka sorkar wa ki bor  aiñ wow chimkhia yeiwa jia yow wanrah biang i chongsuk hapyrdi ki paidbah.

 

Advertisement ad1
Advertisement ad1
Advertisement ad1
Advertisement ad1

Chah baam hei diñ i yung u kyrtong MLA ka NCP ....

Previous

Man madan thma ka Facebook ha kani ka Election....

Next

0 Comments

Leave a Reply