15 49.0138 8.38624 1 1 4000 1 http://wyrta.com 300

Syndet syndet psiah ki dkhot ka HYC ha pchem ka Secretariat wow dawa NRC wa ILP na ka sorkar

0 Comments
Advertisement ad1
Advertisement ad1

Shillong: Ki dkhot ka seiñ Hynñiewtrep Youth Council (HYC) ynne ka sngi da pynkhyrngiat ki ya ki pulit hadien wa psiah syndet ki cha pchem ka Meghalaya Secretariat, ha Shillong.

Ki dkhot ka HYC da yoh ki u psiah na ka Gate wa em na khmat heipor kamwa 10:30 i step wei da sai ki ya ki kot rben wei da kyriaw wow dawa ILP waka NRC hapoh ka jylla.

Advertisement ad1

U SP ka EKH da ong u wa ki pulit ym em tip ki wa daw wan ki dkhot ka HYC wei da tip ki du hadien wa da psiah ki cha pchem ka Secretariat.

Ki pulit da poi ki hadien kamwa 30 minit.

Ki dkhot ka HYC nyngkong da psiah ki kam ki bru paidbah wei ym em wan ki chisien wan kamtæ ym em wa tip yei thmu ka seiñ wei du hadien wa sai ya ki kot rben wa i sdang kyriaw da tip yei thmu ka seiñ tangwa ym em won yoh ki psiah chapoh ka Secretariat.

U SP da ong u leh wa da e buit u cha u DC ka EKH wow pynkrehkaam noh da ka Section 144 CrPC kylleiñ ka Secretariat.

Ki dkhot ka HYC da mih ki hadien chi kynta tam ka yania wa ki bor district ki dkhot wei da pynman ki ya ka yakhih ha i thaw yieñ kari ka Additional Secretariat.

U General Secretary ka HYC, u Roy Kupar Synrem da ong u wa nadooh u bnai Naitung ka seiñ da lai ko wow yachem ya u Montri Rangbah ka jylla wa ki phang wa hakhmat dooh toh wow yaklam hajrong i psiah kiwa na baar cha ka jylla.

Da ong u wa i dawa ya ka NRC toh wow pynkhooid ya ki baar jylla na kani ka jylla katwa i dawa ya ka ILP toh wow khang ya kiwa wan psiah be-aiñ cha kani ka jylla.

Dawa ki ar seiñ wow pynmih sa ka wi ka C&....

Previous

Thap pyrtuid le ngut ki kyrtong na Ranikor Con....

Next

0 Comments

Leave a Reply