15 49.0138 8.38624 1 1 4000 1 http://wyrta.com 300 0

Synraan ka manbei ya u kurim nadooh wa thap pyrtuid hadooh wa dep Scrutiny

1 Comment
Advertisement ad1
Advertisement ad1

Jowai: Nakhap kiwa boon walang ki kyrtong wa kiwa kyrchaan ynne ka sngi heipor wa pynman ya ka Scrutiny ya ki kyrtong MDC ka JHADC ha yung krehkaam u DC ka West Jaiñtia Hills, Jowai da em ki chijur kiwa da yieñ chirup nadooh i por wa thap pyrtuid hadooh wa poi i por wa pyndep ya ka Scrutiny.

Kini ki chijur toh u kyrtong ka HSPDP na Barato Mukroh, u Currentis Rabon uwa na chnong Barato wa ka kurim yong oo ka Blessing Lamare na chnong Maitdieñ, WJH. 

U Currentis toh uwa da pyndep ya ka BA wei da jooh man u leh kam uwa sikai skur kamwa 12 snem, wei da jooh yakhun u leh ya ka Election MDC ha u snem 2014 na ka jooh ka Constituency kam u kyrtong samen.

Heipor wa thap pyrtuid u kam u kyrtong ynne ka sngi da em ar ngut kiwa tyrwa pyrtuid (Proposer) yong oo katwa ka kurim yong oo, ka Blessing Lamare da man ko kam ka 1st Election Agent wei da synraan lang ko ya oo samen hadooh wa pyndep ya ka Scrutiny.

Hawa yaklam wa kiwa pathai khubor hadien ka Scrutiny, u Currentis da ong u wa wan u na ka manyung wa dooh wei i daw wa yakhun u ya kani ka Election toh wow man kam ka nongmuna ya kiwi wa ki bru wa dooh leh ye ki wow yakhun Election wei lada chah jied ha ki paidbah, u man ko ka parom wow sah khana ha ri-loom Jaiñtia wa wot kiwa dooh leh ye ki wow kreh wow chakri ya ki paidbah.  

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

1 Comment

  • February 9, 2019 at 3:57 pm
    M.Passah.

    Tia chaphrang khlur ka ri.

    Reply

Leave a Reply