15 49.0138 8.38624 1 1 4000 1 http://wyrta.com 300

Tam ki skur na ri-loom Garo ha ka result ka SSLC ynne ka sngi

0 Comments
Advertisement ad1
Advertisement ad1

Jowai: Ka Meghalaya Board of School Education (MBOSE) ynne ka sngi da pynbna ko ya ka result ka Secondary School Leaving Certificate (SSLC) 2018 wa ya ka Higher Secondary School Leaving Certificate (HSSLC) Arts 2018.

Ha ka SSLC ha uni u snem waroh kiwa da yaleh da em ki 50077 heiwa na kini 27173 ngut toh ki kynthai katwa ki chynrang da em ki 22904 ngut wei kiwa pass da poi ki 28424 iwa mut 56.76% katwa ynnin u snem da poi ko 54.04%.

Advertisement ad1
Advertisement ad1

Ka District kawa boon dooh kiwa yaleh SSLC toh ka East Khasi Hills heiwa da em ki waroh 12821 wei da pass 10134 kawa da poi 79.04% kawa man kawa heh dooh ka Pass Percentage na waroh ki District hapoh ka jylla wei kawa duna dooh toh ka South West Garo Hills kawa yoh 26.65% ka Pass Percentage.

Hapoh West Jaiñtia Hills kiwa yaleh da poi ki 3857 ngut wei kiwa Pass da poi ki 2914 ngut iwa mut 75.55% wei ha East Jaiñtia Hills kiwa yaleh da poi ki 1747 ngut wei kiwa Pass da poi ki 1277 ngut iwa mut 73.10%.

Ha uni u snem ka skur Sherwood School, Tura da yoh ko ya i kyrdan nyngkong hadooh wa soo wei da yoh ko leh ya ka kyrdan 7 wa 18 ha ka First Twenty Merit List.

Kiwi de ki skur na Tura kiwa da em ha kani ka First Twenty List toh ka St. Xavier’s Secondary School, Tura kawa yoh ya ka kyrdan 6 wa 15, ka Aeroville Secondary School, Tura kawa yoh leh ya ka kyrdan wa 6, da em leh kiwi na ri-loom Garo kam ka Mahendraganj Higher Secondary School, Mahendranj kawa yoh ya i kyrdan wa 7, ka Sacred Heart Higher Secondary School,Williamnagar kawa yoh ya ka kyrdan wa 19 waka Bhaitbari Higher Secondary School, Bhaitbari kawa yoh leh ya ka kyrdan wa 19 hi.

Waroh da poi 11 ngut ki khynnah na ri-loom Garo wa mih pyrtuid ha kani ka Top Twenty Merit List.

Na ri-loom Jaiñtia won da mih i pyrtuid u Rimiki Pohlong uwa yoh ya ka kyrdan 17 na ka skur Ka Syiem Jingsuk Secondary School,Amlarem

Ha ka HSSLC (Arts) won waroh kiwa yaleh da poi ki 23160 ngut wei kiwa pass da em ki 17318 ngut iwa da poi 74.78%.

Ki chynrang waroh kiwa yaleh da poi ki 10362 wei kiwa pass da poi ki 7166 ngut katwa ki kynthai won waroh kiwa yaleh da poi ki 12798 ngut wei kiwa pass da poi ki 10152.

Ha uni u snem ka Pass Percentage kawa heh dooh toh napoh ka Ri-Bhoi District kawa poi 86% kawa duna dooh toh na South Garo Hills kawa poi 48.21%.

Ka West Jaiñtia Hills da poi ko 74.01% katwa ka East Jaiñtia Hills da poi ko 72.93%.

 

Advertisement ad1

Ujor uwi wa em wa soi tooh yei pyrtuid u wow y....

Previous

Khlem lai tuition, samen rah naam u Rimiki Poh....

Next

0 Comments

Leave a Reply