Advertisement ad1

Shillong: I kam yong kawi ka bru wa kam toh ka kynthai ha Facebook wa da yathiah kurim ko wa kiwa boon ki chynrang kawa ye u man ka kaam thok chukor tangwa neiliang ki pulit da chimkhia ki ya ini wei da pynman ki ya ka takit.

Hawa yaklam wa u SP ka East Khasi Hills, u Davis NR Marak da pyntip u wa da yoh pdiang ki ya ki kattu katni ki ujor na ki bru wa da chah thad pyrtuid ki ha kawi ka bru lyngba wa thoh ko ha ka Facebook Group wa tip kam ka “Thad Madan.”

Advertisement ad1

U SP leh da ong u wa boon ki Facebook Account toh kiwa thok khamtam wow pynpnba khubor thok chukor kamjooh wow dai sarom ya kiwi kamtæ dang pynman ya ka takit.

Ka Facebook Group “Thad Madan” ha ka sngi chohthat da chah ujor ko ha ka Laitumkhrah Police Station yeiwa pynmih pyrtuid ki ya ki bru wa thaih kurim wa kawi ka kynthai heiwa ki pyrtuid wa mih toh 22 ngut ki khynnah skur, 65 ngut ki khynnah College, uwi u wa sikai, uwi u doctor, wa 3 ngut ki Montri ka sorkar jylla kiwa chah pynbaad wa ki toh ki bru wa jooh thiah wa kawi ka kynthai wa pynmih pyrtuid kam ka Phiba Shari ha Facebook.

Share this:
Share on Facebook0Tweet about this on TwitterGoogle+0
Advertisement ad1