15 49.0138 8.38624 1 1 4000 1 http://wyrta.com 300

Thung noh ka KHADC da u syiem wa thymme hapoh ka Hima Myliem

0 Comments

Jowai: Ka Executive Committee (EC) ka Khasi Hills Autonomous District Council (KHADC) ynnin ka sngi da kyrriah noh ko ya u Ricky Nelson Syiem na ka kaam Acting Syiem ka Hima Mylliem wei da thung ya u Ainam Manik Syiem kam u Acting Syiem wa thymme ka Hima Mylliem.

Ya kani ka hukum wow pyndam noh ya u Ricky Nelson Syiem kam u Acting Syiem yong ka Hima Mylliem da pynkhamkti da u EM ka Elaka u James Sylliang.

Kamtæ, katkam ka bor wa da pynkup da ka section 8 yong ka aiñ Khasi Hills Autonomous District (Appointment and Secession of Syiem, Deputy Syiem, Elector and Rangbah Shnong of Mylliem Syiemship) Act 2007, da thung noh ya u Ainam Manik Syiem kam u Acting Syiem ka Hima Mylliem wow pynlai ya ka synchaar ha ka Hima.

Da ebor leh wow pynlai ya i synchaar ha ka Executive Dorbar wow kynthup ya ki Wasan, ki Montri, ki Lyngdoh wa kattu katni ki waheh katkam ka riti dustur kiwa em ha ka Hima.

Neiliang ka KHADC da phah leh ya u Ainam Manik Syiem wa manda dep waroh ki kaam hapoh ka Hima kam u Acting Syiem wa thymme wow khut da ka dorbar bah ka Hima.

Chooh chooh ya kani ka hukum da ong wa  ka sanad u krehkaam noh ko mar pynmih ya ka hukum hadooh wa pynbna won deiwi tawon.

Advertisement ad1

Iehnoh kaam u Brightstar Chyrmang kam u Workin....

Previous

Da pynkha ya ka JSM-Women Wing Lumshnong Unit

Next

0 Comments

Leave a Reply