Advertisement ad1

Nongpoh: Ka la-ær Election cha ka Yungdorbar Thawaiñ ka jylla yong u snem 2018, ha Umroi da sdang beh ko mar ya sdang uni u bnai heiwa boon ngut ki manbei na kylleiñ da psiah noh ki cha ka seiñ United Democratic Party (UDP).

Ka yalang kawa man ynne ka sngi ha Bhoirymbong, da man ko kawa chongkun wei kamwa 200 ngut da wan ki cha ka yalang wow psiah cha ka UDP yow yoh ki yei jop.

Advertisement ad1

Kamwa man katni u F.D. Ramsiej, uwi na ki sahep sorkar wa ksoh yei kyrdan Inspector ka Agriculture yong ka Bhoirymbong da iehnoh noh u yeini i kaam wow psiah cha ka UDP wei da ksoh u kam u Working President ka UDP, Umroi Circle.

Hadien wa ieh u yei kreh wei da pynkhreh u wow yakhun ya ka Election MLA 2018 wei da paan u ya ka ticket na ka UDP.

Hawa kyruiñ cha ki manbei kiwa da psiah cha ka seiñ da yoo biang ki wa ka Veronica Nongkhlaw u chimkti ko kam ka President ka tnat ki manbei, wei kiwi won kiwa da ksohkaam toh ka Batrisia Nongrum,Vice President, ka Purity Thabah,General Secretary, ka T. Kharumnuid, Asst General Secretary, ka Ridian Syiem,Treasurer wa ka Raphel Syngkli, Publicity Secretary.

Ya kini ki dkhot thymme kani ka UDP Women’s Wing ka Umroi Circle da pynskem ynne da ka Rona Khymdeit, President ka Women’s Wing ka Ri-Bhoi District.

Share this:
Share on Facebook0Tweet about this on TwitterGoogle+0
Advertisement ad1