15 49.0138 8.38624 1 1 4000 1 http://wyrta.com 300 0
Advertisement ad1

Tyngkheiñ ki karkhana khyndaw-bilat ya ki aiñ tih moo wei ym biang Trading License

0 Comments

Jowai: Ynne ka 9 tarik ka Executive Committee yong ka JHADC hapoh i yahkhmat u CEM u Thombor Shiwat da lai hiar ki cha ki thaaiñ Lumshnong wow sylli ya ka rukom krehkaam ki karkhana wa em ha kani ka thaaiñ kiwa kynthup ya ka Star cement, TopCem, Dalmia, JUD wa kiwi kiwi wei ha kani ka lai sylli da synran lang ya u CEM da ki Executive Members kam u Lasky Rymbai EM I/c Forest, u Winning G Sungoh EM I/c Taxation, u Phasmon Dkhar wa kiwi ki EM wa kynthup ya ki sahep kam ka Secretary Executive Committee ka R. Phawa, Joint Secy. u S. Passah, u CFO u Blah wa he ki chnat ka Council waphær waphær.

Ha ini i lai sylli da chem boon i tkoh ha i tih moochuni i wa ym man katkam ki kyndon wei kamjooh i psiah yong u mooyong wa kiwi ki maar (Raw Material) cha kini ki karkhana toh iwa khlem em biang ki kot ki sla wei neiliang u CEM da maham joor u ya waroh ki karkhana wow bood ki ya ki kyndon aiñ khnang wow lai bait ka rukom psiah ki mar chapoh ki Cement Plant.

Hadien wa chem wa i wym biang i tih ya ki mar pohkhyndaw, ka EC da chim ko yaka rai wow booh noh da ka Monitoring Gate ha waroh ki Cement Plant yow sonteri yei leh thurmur kini ki karkhana kiwa khlem bood ya ki kyndon aiñ hawa sai ya ki mar pohkhyndaw.

Hawa yaklam wa u Winning G Sungoh EM I/c Taxation da ong u wa kini ki karkhana pynmih khyndaw-bilat ym em burom ki ya ka aiñ The Jaintia Hills Autonomous District Trading by Non-Tribal Rules 2015, neidaw wa wanrah wakreh ki na baar jylla kiwa khlem yoh yaka Non-tribal Employee Service License na ka Council, kamtæ da hukum wa ki toh u beh noh ya ki wei wow pynpsiah noh da ki tre jylla wei toh u wanrah du ya ki bru ki wakreh wa tip kam ki Skilled Labour katwa ya ki Unskilled Labour won toh u e laad ya ki tre jylla, da paan yukheiñ leh yei em ki wakreh ha waroh kawi ka karkhana khnang wow yoh yukheiñ yei em ki baar jylla kiwa kreh pyrchah ya ka aiñ.

Advertisement ad1

0 Comments

Leave a Reply