15 49.0138 8.38624 1 1 4000 1 http://wyrta.com 300 0

U Conrad toh u pynbiang chwa u hapoh yung chwa wow yarap ya kiwi ki jylla

0 Comments
Advertisement ad1

Kam uwi naki bru paidbah uwa man ha i jooh i por uwa chong chnong yong ka jylla Meghalaya, nga sñiaw O wa toh u pynsñiaw yei pyrchah wa joor yei e sñiawbha u Conrad Sangma cha ka jylla Odisha daka poisa kawa T. 1 klur kam wow yarap neibynta i chah ktah katai ka jylla haka Cyclone Fani.

Ka poisa toh ka yong u paidbah, kamtæ u Conrad ym toh wow sai mynkna u kamni cha kiwi ki won ki jylla hawa tang ya ki paidbah ka jylla ym pu dap.

Advertisement ad1

I leh wym hoi u pynyoh chwa yaka tulop kiwa sikai SSA, ka tulop kiwa sikai skur Deficit wa kiwi kiwi ki chnat sorkar kiwa ym pu yoh tulop hadooh katni.

Ya ki paidbah ka jylla kiwa da chah ktah haka æryong wa kiwi kiwi kiwa chah tympra i yung i sem ha i bor ka rymaw da yoh ki næ ym pu em i yarap? Lada da yoh ki leh nga tikna O wa i yoh ym yahap wa i chah tympra; wot tang chipawa na i chah tympra leh ym yahap. Lada kylli yaka daw, daw jubab wa ka sorkar duna poisa ko. Lada duna poisa hadooh kattæ kattæ i leh won wa yoh yarap cha kiwi won ki jylla. Hawa e yarap cha kiwi, i toh wow pynbiang chwa ya ki yong i chwa. Lada tang ha yung yong samen leh ym pu biang kammon u nood wow pynyoo yei sarong cha ka pyrthai wa i dap biang i. 

U Conrad kam uwa yahkhmat toh u sñiawthooh wa dang em ki daki hajar ngut ki paaid ka jylla kiwa dang yap chitom wa kiwa dang emkaam yaka yarap naka sorkar. Kamtæ kam uwa yahkhmat wa kam u manpa hapoh ka jylla toh u pyndap pynbiang chwa ya i emkaam ki khon yong oo chwa wow yarap ya kiwi won ki manyung.

Hajrong kani ka bynta, nga kam uwi na ki bru paidbah nga pynsñiaw O yei pyrchah kawa joor ya i leh ka sorkar u Conrad wei nga kyntu O ya kiwa mihkhmat ki yong i wow pyrchah joor ya kani haka Dorbar kawa daw wan.

Written by: Nangai Sutnga

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply