Advertisement ad1

Shillong: Ka Khasi Students Union (KSU) wa ka Hynñeiwtrep Youth Council (HYC) da ong ki wa ym klam pharæng de ki hawa yachem wa ki sahep sorkar ha ki thaw kreh yong ki wei ym thoh de ki da i ktien paharæng hawa thoh chithi cha ki. Yeini u leh ki neidaw wa kwah wow pynkhroo ya ka ktien Khasi.

Hawa yaklam deilang wa kiwa thoh ktien Khasi wa pynman da ka Khasi Authors Society (KAS) wa pynman ha madan Student Jaiaw, uwa mihkhmat ka KSU u Truly Lyngdoh da ong u wa ka KSU hapoh i yahkhmat u President wa thymme, da rai wym klam de da ki ktien ki pharæng namo ki baar jylla hawa yachem wa kiwa heh sorkar.

Advertisement ad1

Da ong u leh wa ka seiñ kyrchaan ko yei yakhih ka KAS neibynta wow pynpsiah ya ka ktien Khasi ha ka riti synshar ka ri. Da ong u leh wa i daw wa ym tipmit ka sorkar ya ka ktien Khasi toh wym mano ka sorkar pyrdi kamjooh ka sorkar jylla yeini waroh.

Heijooh i por, u General Secretary ka HYC u Robert June Kharjahrin da ong u wa ka seiñ sñiaw yahaap wei kyrchaan ko ya yei rai ka KSU wow pynemkaam bait da ka ktien Khasi ha ki thaw kreh ka sorkar.

Ha kani ka yalang leh da yoh yei klam na u President ka JSU Rikut Parein uwa da kyrchaan joor yei dawa wow pynpsiah ya ka Khasi ha ka 8thSchedule wan na u Shemphang Rynjah na ka Khasi Jaintia Welfare Association,u DDG Dympep na ka Meghalaya People Human Rights Council, u G. Sen na ka Ri Bhoi Youth Federation, u Banteilang Rumnong na ka Seng Khasi, u Kitboklang Nongphlang naka FKJGP wa u R. Monarch Shabong na ka Meghalaya Editors and Publishers Association uwa kynthah ya ka sorkar jylla ka wym jooh kehiñkor ko ya ka ktieñ Khasi wei ym em burom ya ki kot khubor Khasi.

Share this:
Share on Facebook0Tweet about this on TwitterGoogle+0
Advertisement ad1