15 49.0138 8.38624 1 1 4000 1 http://wyrta.com 300

U mih paidbah lada ki chipai dang pteiñ ki wow wan pait ya ka thaw wa thmu booh Battalion Headquarter ha Rangthong

0 Comments

Shillong: Da ki spah ngut ki paidbah yong ka chnong Rangthong wa ki chnong wa marjan da wan yachim bynta ki haka yalang paidbah wa pyrchah yei thmu booh yaka Battalion Headquarter ha Rangthong kawa pynman da ka KSU Rangthong Unit ha Rangthong ynnin ka janmiet ka 4 tarik uni u bnai.

Ha kani ka sngi da yoh i klam na u Hamir Syiemlieh, General Secretary ka Rangthong Unit heiwa da maham joor u leh ya ki Agent wa toh u sangeh noh wow pynbiej ya ki tre thaw wa ya ki paidbah wei lada ym leh ki, ka seiñ daw leh ko da iwa eh pyrchah ya ki.

Neiliang u Elevenson Wanniang, President Mawkyrwat Circle da ban joor wei da kyntu u leh ya ki paidbah wow man ki kiwa yatylli wei ymtoh u chah pynbiej yei tyrwa spah ki Agent.

U Forwardman Nongrem, President, KSU South West Khasi Hills District da ong u wa katni ymtoh i por wow chong paitke, da toh i por wa ki paidbah u mih ki cha khmat wow yaleh pyrchah ya i thmu yong ki chipai BSF wow thooh thaw ha ki thaw wa chngaiñ wei toh u jngai naka khappood yong ka South West Khasi Hills District. Da pynsñiaw u leh yei sñiawkmen wa ka kur Syiemlieh Sawkpoh da ran dien noh ko wow e thaw cha ki chipai hadien wa da em ka pyrchah na kiwa boon tangwa hanlada kattæ leh da pyntikna u wa ka seiñ daw pteiñ wow pait ya kani ka kaam khnang wow pyntikna wa ki chipai ym yoh thaw ki ha Rangthong næ ki thaw yong ka District.

Ha kani ka yalang da chim leh ya ka rai wa ki paidbah yong ka chnong Rangthong u mih paidbah ki wow pynsangeh yei wan sylli yong ki chipai ya ki thaw chnong lada dang pteiñ ki u wan.

Ha kani ka sngi da yoh leh yei klam na u Wallambok Syiemiong, Chairman, SSSS South West Khasi Hills District, u Secretary Shnong ka Rangthong u K. Syiemlieh wa Pauldeep Tongwah, Secretary, Employment and Development Cell KSU South West Khasi Hills District kiwa da pynsñiaw yei jooh i sur wow pyrchah ya ini i thmu booh Battalion Headquarter ha chnong Rangthong.

Advertisement ad1

Dang neh ka soskular ka sorkar jylla wa ka KPC....

Previous

Pynkupburom ka UDP – 7 Amlarem Circle ya ki le....

Next

0 Comments

Leave a Reply