15 49.0138 8.38624 1 1 4000 1 http://wyrta.com 300

U Mukul Sangma da chukor u ya ki paidbah ka Ampati yow yoh myntoi u samen: Conrad

0 Comments
Advertisement ad1
Advertisement ad1
Advertisement ad1

Jowai: U National President ka National People’s Party (NPP) wa u montri rangbah ka jylla, u Conrad K. Sangma ynne kam chibynta yong ka yalap By-election ha Ampati Constituency da ong u wa kani ka election man ko kawa kyrpang neibynta wow wanrah ya ki kaam pynroi hapoh ka Ampati.

Ya u Conrad K. Sangma da synraan da u symbood montri rangbah ka jylla, u Prestone Tynsong, u montri ka C&RD u Sniawbhalang Dhar, u Chief Adviser yong u montri rangbah, u Thomas K. Sangma, CEM ka Garo Hills Autonomous District Council Dipul Marak wa ki MLA ka jylla chirup wa kiwa kitkaam ka party na Nagaland.

“Ki paidbah ka Ampati constituency da jied ki ya u Mukul Sangma tangwa da chukor u ya ka Ampati wow yoh myntoi u samen”, da ong u Conrad K. Sangma ha ka rally wa pynman ha Rongsang Abagre wa Betasing.

Da ong u wa ka Congress party da yalam bakla ko ya ki paidbah, wei kyntu ya ki wow jied ya u Clement G. Momin yow pynkhlan ya ka sorkar Meghalaya Democratic Alliance (MDA).

Da ong u wa ka NPP wa ki lok yong ka daw lai yalap ki ha Ampati wow pynche ya ki wa u Mukul waka Congress party ymye ki u leh iyi iyi lait na i pyntieñ wa i pynkulmar ya ki paidbah.

Da kular u leh wa kani ka sorkar MDA wa katni daw neh ko hadooh wa kut ka samoi yong ka.

Chooh chooh da ong u wa u Mukul da pynyaleh u da ka khon u, ka Miami D. Shira toh yow pynhun hi-eh yei mynsien yong oo.

“U Clement G. Momin toh u kyrtong wa da jied da ka MDA wei kani ka sorkar u skem ko wei daw neh ko wow kreh ya ki paidbah ka jylla sa 25 snem wow wan,” da ong u Conrad.

Da ong u wa ka Congress ngait ko wow wanrah scheme deiwa yoh myntoi kiwa kreh ya ka donhi ymtoh yeiwa emkaam ki paidbah.

“Ym myntoi wow jied ya ka Congress neibhah daw chong ko du ha ka liang pyrchah”, da ong u Conrad.

U Prestone Tynsong da ong u wa u Mukul Sangma ymtoh u bru wa hoi deiwa kyntu ya ki paidbah wow jied ya u kyrtong ka NPP.

“Ka Ampati man ko ka Constituency, kawa sdang u Mukul Sangma ya ka kaam saiñ hima u, wei manda jop u na Ampati wa Songsak da rai u wow ieh ya ka Ampati. Kamtæ paidbah pynyoo ya oo yei bor yong phi deiwa pynchitom phi oo ha kani ka By-election,” da ong u Tynsong.

Heijooh i por da ong u wa ka Congress toh ka party kawa da sdang piah wei pteiñ i yakhun hapoh i yung yong ka.

Da ong u leh wa i awri hapoh ka party Congress da yoo da chynna na iwa jia ha Williamnagar heiwa da chah pynrem ka Deborah Marak.

U Nagaland State President, u Ato Yeptomi wa u General Secretary, u Sashank Gataraj hawa e i klam da yaroh ki ya u Conrad K. Sangma uwa da sdang pawnaan bha ha ka thaiñ mihsngi.

 

Ha ka 25 tarik u pynbna ka MBOSE ya ka result ....

Previous

Pylliat symbe dakha ka PBFA ha ki le tylli ki ....

Next

0 Comments

Leave a Reply