15 49.0138 8.38624 1 1 4000 1 http://wyrta.com 300

U Prestone ymtip u iyi i myntoi yoh kiwa rep na u dieñ Agar: Dr. Mukul Sangma

0 Comments

Shillong: Hadien wa beiñ joor u Prestone Tynsong u kyrtong MLA ka NPP yei sdang u Dr. Mukul Sangma ya ka Agar Plantation Scheme ha Ranikor deiwa ong wa heitu i por kam u Montri wa ksoh ya ka tnat Forest da lai u cha Dehradun heiwa em ka Research Center ka ri yow yachem wa ki Scientist deiwa pynlut por u ar sngi yow sñiawthooh chaphang uni u dieñ Agar.

Da ong u wa ki Scientist da pyntip ki cha oo wa 17 snem nachwa da sdang ha jylla Kerela wow thung ya kini ki dieñ wei ka sorkar da pynlut poisa ko da ki boon spah klur wei da sepai ka poisa kamwa noh cha dooid tangwa u Mukul won da ong u wa ki Scientist ki yong oo toh kiwa na Singapore wei da pynlut T. 80 Klur wei ya kani ka poisa lada toh kiwa tip u pyrkhat toh u e T. 10,000 chi yung ki warep.

Advertisement ad1

U Dr. Mukul hei yatoh wa ini da jubab u deiwa ong wa i thung dieñ Agar kamjooh kiwi ki dieñ hadooh ka sorkar India leh da sñiawthooh ko yeiwa yarap kini ki jait dieñ wei ka leh da sdang ko ya ki jait kaam kiwa kyrpang hei yatoh wa ini.

Ka tnat Forest and Environment da pynkit ha ka wow pynsuk ya ki warep deiwa yarap ya ki wow yoh bor ki u ah dieñ yow yarap ya ki u pynku ya ka nong wa yoh ki.

Da ong u leh wa kini kyrtong kiwa kam wa ki toh kiwa man kiwa mihkhmat wow pyllait im ya ka jiatbru ym tip ki iyi iyi leh yeiwa ye u leh yow yarap ya ka jaitbru.

I thung ya u dieñ Agar wa kiwi ki dieñ katkam ka stat Science yow pynlai yaaw ya ki u pynmahajon ym du ya ki warep kamjooh leh ya ka sorkar lyngba ki dan wow yoh ko.

Da pynkut u leh deiwa ong wa ha kani ka juk Internet lada thooh chaphang ka Aquilaria Malacensis namo ka Aquilaria Khasiana kawa tip kam u Agar daw chem wa ki khih man ko kawa da ki Billion Dollar ha waroh kawi ka pyrthai wei da yoh kreh da ki spah hajar ngut ha waroh kawi ka pyrthai.

Advertisement ad1

Da sdang ka 4th Republic Day Cup Under-12 Foot....

Previous

Da ka khle nasib pynman ka Khadar Daloi Law Co....

Next

0 Comments

Leave a Reply