15 49.0138 8.38624 1 1 4000 1 http://wyrta.com 300 0

U pynkut ka Balang Kyndongtuber ya ka Centenary Celebration da ka Proseshon Iukharist

0 Comments
Advertisement ad1

Jowai: Ha ka kyrwoh wa da phah da ka Centenary Celebration Committee Kyndongtuber, Parish Mooksiang-Phramer, West Jaintia Hills District, da ong wa ki para wa ngait ka Balang Katholik Kyndongtuber daw pynkut ki ya ka lehkmen dap 100 snem i wan ka Balang Katholik ha chnong yong ki ha kani ka 17 tarik uni u bnai wei daw pynkhroo chooh chooh ya kani ka sngi da ka Proseshon Iukharist.

Da ong leh wa ha ka 17 tarik ha i por 9:30 i step daw sdang daka lehniam da ka ngooh blai wa ki rwai yaroh step neitæ bood saka knia Mass wakhooid da ki Lyngdohsohblei kam ka dak e ngooh wei sñiawngooh ya u Blai uwa da kyrkhu kyrdoh ya ki paid wa ngait yong ka Balang ha kini ki chispah snem kiwa da dep wei ha i jooh i por wow paan choooh chooh ya ka kyrkhu kyrdoh yong u Blai wa ki para wa ngait yong ka Balang u nangroi nangpaar ki ha ki snem ki wow wan ha im bha im miat ha ka imlang ka sahlang hapoh chnong hapoh thaw wei hapoh ka Balang.

Neiliang ki para wa ngait yong ka Balang Kyndongtuber da khot da wer ya ki paradoh parasnam yong ka Bri u Ynñiawtrep wa ki para wa ngait ka Diocese Jowai wow yawan chongchit wow sakhilang ya kani ka sngi pynkut ya ka lehkmen dap 1000 snem yong ka Balang wow chimbynta ha ka Proseshon Iukharist yong ka Parish St. Claret, Mooksiang ha chong yong ki.

Advertisement ad1

0 Comments

Leave a Reply