15 49.0138 8.38624 1 1 4000 1 http://wyrta.com 300 0

U pynman ka Dorbar Chnong Khimusniang da ka Common Platform ya ki kyrtong MDC ka 19 Jowai South Constituency

0 Comments

Jowai: Ka Dorbar Chnong Khimusniang, Jowai hadien wa da yaklam sani bha ko ya ka phang heiyatoh wa ki kaam yalap Election kiwa toh u pynman hapoh yong ka chnong deiwa pyrkhat bha ya kiwa boon ki bynta kiwa chong chnong yachem ki, la ha ka puræ puthi yong ki khynnah skur, ki Examination kiwa phær wa phær ha kini ki sngi, i kjut i chitom, kiwa yachem ya i jia wa sñiawsih wa kiwi kiwi de i eh.

Ka Dorbar Chnong Khimusniang da rai ko da kawi ka yumut wow khutlang noh ya ki kyrtong waroh yong ka 19 Jowai South Constituency du ha kawi ka sngi, heiwa u yoh ki u pynsñiaw ya ki yurim yong ki ha kani ka yaleh Election MDC yong ki ha kiwa chong chnong hapoh ka chnong, ya iwa da booh wow pynbait u pynman ha ka 21-02-2019 heipor 6 waje i janmiet.

Ha kani ka sngi u chah wow klam du ya ki kyrtong. Ka Dorbar Chnong da ong ko wa ini i pynbait ym toh du wow myntoi ka chnong kamjooh leh i myntoi ya ki kyrtong ha kiwa boon ki bynta la ha ka lut ka sep yong ki wow pynman yalang ar sien le sien ha ka chi sngi, kani daw yarap ko leh ya ki u yoh ki rap boon i por.

Katkam i rai yong ka Dorbar Shnong Khimusniang, Jowai wa nadooh ki snem wa nachwa, wa ym chah ya ki kyrtong u yah paidbah kiwa na baar hapoh ka chnong wei u chah du 10 ngut ki bru kiwa nabaar wa 4 tylli ki kari.

Ym chah ya u/ka wa klam (Canvasser) wow ya beiñ ya pynbaad ya kiwi won, tangwa emkaam u klam bait ya ka yurim wa yeiñ yaleh ki.

Da kyrpaad ya ki kyrtong waroh wa toh u burom ya kani ka rai yong ka Dorbar Chnong khnang wa kani ka kaam u man ko kawa lai bait lai ryntih.

Ini toh katkam wa pyntip u T.S. Bamon, Waheh Chnong ka Dorbar Chnong Khimusniang                            

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply