15 49.0138 8.38624 1 1 4000 1 http://wyrta.com 300

U sdang ka Meghalaya Baby League nadooh ka 19 tarik uni u bnai

0 Comments

Shillong: Kiwa chimbynta ha ka Meghalaya Baby League 2018 kiwa kynthup ya 12 tylli ki dhab ynne ka sngi da yachem ki wa kiwa pathai khubor heiwa da khana ki wa ya kani ka Baby League u sdang noh ko ha ka 19 tarik uni u bnai heipor 3:00 waje i janmiet ha Jawaharlal Nehru Stadium.

Kiwa da emlang ha kani ka sngi toh u khloor yalehke Football ka jylla u Eugeneson Lyngdoh uwa man leh u tre ka ENE, u Daniel Rapsang (Langsning Greenergy Lions), Khlurstep W Ritshong (Nongtrai SC), Aibanjop Shadap (Touchline NE), Rajiv Joshi (Unified Gorkha FC), Working Syiem (Nongthymmai Football Grassroots Centre), Gregory Khyriem (Sunnydale School), Leadingstar Kshiar (Mawlatbah United FC) wa ka Wahlakhiat SC. Ki le tylli ki dhab wa ym ye u emlang ha kani ka sngi toh ka Kick Start Football Academy, Littlestars Academy waka JNS Grassroots Centre.

Advertisement ad1

U Eugene hei klam yong oo da ong u wa ha kini ki por wa da lai ym jooh yoo u kam kani ka rynsan wow pynyoo yei sap yalehke wei heipor yong oo ym jooh yohlaad u ha kam kani wei u yalehke football hawa kut ka tayaw daw man ko ka kabu wa ki khynnah ye ki u muja ha ki kaam wa ka-it ki neibhah ki kaam yalehke yarap bha ko wei yarap ko hei heh i san ki khynnah.

Ka Langsning FC leh da thap ko ka yong ka hi ka dhab hapoh i pyrtuid Langsning Greenergy Lions wei u tre da ong u wa kwah u wa ki khynnah wa em yei sap toh u yoh ki kam kani ka laad.

Na baar ka Shillong da wan ka Mawlatbah United FC, Wahlakhiat SC wala Nongtrai SC, kiwa artylli chwa toh kiwa na ki thaiñ Pynursla katwa kawa le toh na Sohra.

 

Advertisement ad1

Pynman ka DCPU ya ka pynsñiawthooh paidbah hei....

Previous

Kyntu ka MCTOA ya ka NGT wow phah pyndam noh y....

Next

0 Comments

Leave a Reply