15 49.0138 8.38624 1 1 4000 1 http://wyrta.com 300

U sdang pynpsiah pyrtuid noh hapoh ka MHIS nadooh wa sdang u snem 2019: AL Hek
Da wai ya ka PHC wow chakri ya ki 24 tylli ki chnong

0 Comments

Shillong: Ka Weilyngkut – Nongur Primary Health Centre, Nongur Sohiong Lyngdohship da wai ya ka ynne ka sngi da u montri ka chnat i chait i khiah, u A.L. Hek, hei emlang u Samlin Malngiang, montri ka chnat PHE, u Renikton Lyngdoh Tongkhar, Chairman, MIDC, Dr. T. S. Nongkhlaw, DHS (MI), Dr. M. R. Basaiawmoit, DMHO, East Khasi Hills, ki Sordar, Secretary wa kiwa chong chnong ka thaaiñ Weilyngkut.

U Hek hawa e i klam da ong u wa ka sorkar kwah ko wow e ya i sumaar wa paka wa iwa suk wow yoh cha waroh kiwa chong chnong ka jylla khamtam ka thaaiñ nongkyndong.

Advertisement ad1
Advertisement ad1

Da pyntip u leh wa kani ka Primary Health Centre u e chakri ko nadooh wow sumaar hawa kha khon, i e dawai, wa kiwi kiwi cha ki 24 tylli ki chnong ka thaaiñ.

Da pyntip u leh wa ka sorkar jylla da soi soskular ko wa ka Reliance General Insurance Co. Ltd. wow pynkrehkaam noh ya ka Megha Health Insurance Scheme (MHIS) hei yakrehlang wa ka Ayushman Bharat-Pradhan Mantri Jan Arogya Yojana, kawa haap hapoh ka Central Government Health Scheme wei u sdang pynpsiah pyrtuid noh ya ka nadooh wa sdang u snem 2019.

Kiwi kiwa da klam kynthup ki ya u Samlin Malngiang, u Renikton Lyngdoh Tongkhar, Chairman, MIDC, Dr. T. S. Nongkhlaw, DHS (MI), Dr. M.R. Basaiawmoit, DMHO, East Khasi Hills.

Ya kani ka yalang da pynlai da u P. Kurbah, Sordar, Nongur.

Advertisement ad1
Advertisement ad1

Beiñ ka KSU-JHDU yei kem kulmar ki pulit neiwa....

Previous

Pynman ka JTP wa ki khynnah NSS ka KNGC yei py....

Next

0 Comments

Leave a Reply