15 49.0138 8.38624 1 1 4000 1 http://wyrta.com 300

Ujor ka MPUF-EJHD pyrchah ya u baar jylla wa pyndap ya ki kum LPG khian ha Ladrymbai khlem License

0 Comments

Khliehriat: Ka seiñ Meghalaya people’s United Front – East Jaiñtia Hills District (MPUF-EJHD) da chem ko wa uwi u baar jylla da pynlai yaaw be-aiñ u ya ka dukan yong oo kawa em ha Ladrymbai (hajan ka Stand Shillong wa Stand Jowai) deiwa pyndap (refill) la-ær chet (LPG) ya ki kum LPG wa khian.

Ka seiñ da ong ko wa ini i leh uni u baar jylla da booh u ya ki marjan dukan hei maa khamtam ya ki paidbah neibhah lada em i bakla heipor pyndap ya kini ki kum, ye ki leh wow pdung wei ym du kattæ wot ya ka license leh ym em u neibhah wow leh yeini emkaam wow yoh ya ka license weiwa uni u bru ym em u wot ya ka Trading License.

“Ini i yoh laitlaan wow leh kamni da pynchlur ko ya ki baar jylla wow leh katwa kwah hi-eh ki hapoh East Jaiñtia toh neidaw wa ka District Council (JHADC) ym kreh ko wei man ko leh kawa khlem lamieñ neibynta ki baar jylla wei ym jooh yoo i wa ka JHADC jooh pynemkaam ko yei bor yong ka wow lai kynreh ya ki Trading License namo ki Labour License ya ki baar jylla,” da ong ka seiñ.

Neiliang ini hadien wa yoo yeini da ujor ko pyrchah ya uni u baar jylla ha u D.C. (Supply) ka East Jaiñtia wei kyrmen skem ko wa neiliang ki bor District u leh ki yeiwa emkaam hajrong ini.

Advertisement ad1

Wan saam baam ka MAS III ya ki khynnah skur ka....

Previous

Hukum u DC ka WGH ya ki wine store wow thied b....

Next

0 Comments

Leave a Reply