15 49.0138 8.38624 1 1 4000 1 http://wyrta.com 300

Ujor ka Synjuk kiwa chalan mar yei joor i chah lute ha ki bru na ka ri Bangladesh

0 Comments
Advertisement ad1
Advertisement ad1

Jowai: Ka synjuk yong kiwa chalan mar cha baar ri kamjooh ki synjuk tre kari wa kiwa khayi moochuni, moosalin, mooyong wa kiwi kiwa haap hapoh ka lama yong ka Core Committee da ujor ki cha ka Sub-Divisional Officer, Amlarem Civil Sub-Division neidaw wa joor i wan lute kiwa suba na Bangladesh wa ki tre chnong.

U President wa u Secretary wa kynthup ya u Lop Pohtam wa u Lahmon Tongper kiwa da ujor cha ka SDO (Civil), Amlarem Sub Division wa ha kini ki khajiak bnai da joor ka lute ki runar kiwa suba joor kiwa na Bangladesh wa ki bru tre ri na ki truck wa kit mar wow chalan cha Bangladesh.

Advertisement ad1

Da pynbaad wa ini da jia man ka sngi heiwa kini ki damok da psiah tooh ki chapoh kari wow tooh yaki mobile, ka poisa, ki battery kari, i diesel wa kiwi kiwi ki mar kiwa suk wow dai wow thied. Da pynbaad leh wa dang ini wa dadep kini ki damok da ktah kti ki ya ki kattu katni kiwa yah truck hadooh wa da mynsoo ki.

Hajrong ini, ka Core Committee da kyrpaad ki ya ka SDO Amlarem wow chimkhia wow pynbiang bor pulit wow sonteri wei wow kyrpaad yaki BSF wa ki Pulit wow pait ki ya i chngaaiñ kiwa yah kari wa ki tre chnong.

Da ki kymmor saam ka JSM-ER cha ki manyung wa ....

Previous

Dawa ka HYC-JHD wow bichaar chwa wow e ST Cert....

Next

0 Comments

Leave a Reply