Advertisement ad1

Jowai: Ka Good Shepherd Parish Lad Rymbai, East Jaintia Hills ha kani ka 20 tarik uni u bnai da wai ko ia ka Avila Navas Convent  iong ki Sister ka Carmelite Missionaries ha Borghat. I thmu u wai ia kani ka Convent toh u e iarap ia ki bru iow ye u kyntu ia i nang i stad ki bru wa sah cha palatchnong.

Ia kani ka Convent da wai da u ma Justine Dkhar uwa da pynpaw u ia i sniaw kmen iong Oo wei da iaroh u leh ia ka Balang Katholik wa da ye ko u wai ia kani ka Convent ha Borghat deiwa ong kani ka Convent daw iarap ko chiboon ia ki khynnah ka chnong kamjooh leh ia ki khynnah kiwa na ki chnong wa em chajan kiwa ye u wan puræ ha kani ka skur ki Sister Carmelite Missionaries. Da khana u leh wa i wan kini ki sister ymtoh dooh u wai ia kani ka skur thymme hynrei u chimkti noh ki u pynlai ia ka Upper Primary skur kwa da em chwa ha kani ka chnong dei thmu u pynku kyrdan iaka cha ka Secondary School.

Advertisement ad1

U ma Justine da pynkut u ia i klam deiwa kyntu ia ki bei ki pa u chim khia ki u pynstad ia ki khoon ki kti ki, wei ym hoi u elad u sahdein ha kani ka juk puræ puthi.

Da pyn kyntang ia ka iung Convent da ka Umkhuid Umkyntang wa da synreit wei kyrkhu da u Most. Rev. Archbishop Thomas Menamparampil SDB, uwa man leh u Apostolic Administrator ka Jowai Diocese.

Kamwa jooh leh, ka jingknia Mas wakhooid ha kani ka sngi da iahkhmat da u Most.Rev. Archbishop Thomas Menamparampil ha kawa da synran da ki Lyngdohsohblai iong ka Good Sherpherd Parish wa kiwi kiwi de ki Lyngdohsohblai na kiwei ki Parish, ka Jowai Diocese. Ha kani ka lehniam da ki spah ngut ki parawangeit iong ka Balang na ki chnong wa chajan wa na jngai iong ka Borghat da wan chimbynta ha ka lehniam.

Ha kani ka sngi da emlang u MDC ka thain Rangat Lakadong u ma Join Riwell Pyrtuh kiwi de ki Kynrem ki Lyndan iong ka thain Borghat. Ia ka ialang wai ia ka Convent da pynlai da u ma Dilone Lyngdoh.

Share this:
Share on Facebook0Tweet about this on TwitterGoogle+0
Advertisement ad1