Advertisement ad1

Jowai : U MP ka Shillong, u ma V.H Pala, da wai paidbah u ya ka thaw ri khonboo (Crèche) yong ka Jingiaseng Kynthei ka Balang Presbyterian Thadlaboh kawa em ha Caroline Colony, Jowai.

Ha ini i wai paidbah nalor u ma Pala, u wa man kam u kongsan da emlang leh u Dy. CEM ka JHADC, u ma A.A. Shullai, u Pastor ka Balang u Rev. N.K.Syngkli, ki tymmen wasan ki dkhot wa ki nongyalam ka sengkynthei wa kiwi kiwi.

Advertisement ad1

U kongsan hei klam da yaroh u ya ka seiñ kynthai ka Balang Thadlaboh ya i chynna jngai yow yarap kylliang ya ki jait bru da kani ka crèche. Da pynehdaw eh nasib u ya ka seiñ kynthai yow ye ki u dang lai ki cha khmat ha i kaam yong ki ha kani ka thaw peit khonboo yow yoh myntoi ka imlang sahlang.

U MP da kular u noh kyllooid kam u yarap ya ka Jingiaseng kynthei ka Balang Presbyterian Thadlaboh hadooh T.10 lak na ka MP Scheme yong oo yow chna pyndep ya katai ka thaw ri khonboo.

Kani ka thaw ri khonboo toh ka wa da seiñ nadooh u snem 1999 ha ka yung chongwai,  ha u snem 2013 da yohlad u thied ya i thaw yong ki hi yow chna ya kani ka crèche ha i lut wa T. 42,32,000/- ha uni u snem. Ka Jingiaseng Kynthei Balang Presbyterian Thadlaboh da mang ko u chna ya katai ka yung hadooh 4 mala (3+G) ha i lut kawa T. 1,53,65,814.

Share this:
Share on Facebook0Tweet about this on TwitterGoogle+0
Advertisement ad1