Advertisement ad1

Jowai: U W.H.D Syngkon Additional Advocate General Meghalaya u kongsan ha kani ka sngi da wai paidbah u ia ka thaw iang khonboo iong ka kur Soo Kpoh Khat-ar Wyrnai ha ka dong Chilliang Raij. Da ong haroh u wa ia kani ka thaw iang khonboo da wai wym toh tang kam ka thaw iang khonboo hynrei man ko kawi kawa u iarap ia kiwa dooh waduk, neibhah ym toh wa booh ia kani ka creche yow kamai poisa. Da kitbok kitrwiang haroh u ia kani ka kur wow nangku nang lai ko chaphrang ha ki kam wa bha wa miat ki iong ka. Hei liang kani ka wai paidbah, da e sniawbha haroh u ia kani ka kur kamwa arphawsan hajar tyngka.

Ka kur Soo Kpoh Khat-ar Wyrnai daw pynman haroh ko ia ka lehke Drama ha ka iung walieh ka iong ka hi kawa em ha ka dong Chilliang Raij haka 2 tarik yong u Naichiphaw 2015. U kongsan da pyllait paidbah haroh u ia ki ticket iong ka Drama.

Advertisement ad1

U president yong ka kur u P. Syngkon da ong u wa dap u dei kmen i wa khroo wada ye ki u pyndep yei wada thrang ka kur deiwa ye u poi hadooh ynne ka sngi u wai paidbah ia ka. Da jied iaka kong Rilang Lywait kam ka Matron. Ka kong Tilang Lytan kam ka nongiarap hei iatoh wow peit ia ki khynnah. Da ong haroh u, chimkhia yei kam dei wa kreh hadooh u ioh iaroh ki na ka women’s wing kamjooh ka kur hi waroh kawi. Da pynbna paidbah haroh u wa ha ka 2 tarik naichiphaw 2015 daw pynman ki ia ka lehke Drama kawa pyrtuit “Ong da phi”. Daw em haroh ka iachem iong lang waroh ki para kur iong ki wa em kylleiñ ka chnong wapher wapher haka 5 tarik December 2015.

Ka kong Easter Gatphoh da e khublei kyrpang ko ia ka women’s wing iong ka kur wa da ye ki u wan rah ia kani ka thaw iang khonboo kamwa da mut da thrang. Ong haroh ko wa dei libuh i ia ki khon ki iong i cha ki thaw iang khonboo da wan rah ki ia i ki man bei man pa u biang por biang akor (discipline) hei wow lai buh lithuh i ia ki khon ki iong i na ki thaw iang khonboo. Da ong haroh ko wa katni hi ki sngi ki bei ki pa hap ki u likhih likhan te hap ki u libooh ia ki khon iong ki cha ki thaw iang khonboo.

Share this:
Share on Facebook0Tweet about this on TwitterGoogle+0
Advertisement ad1