15 49.0138 8.38624 1 1 4000 1 http://wyrta.com 300 0
Advertisement ad1

Wai u Conrad ya ka 3rd North East Health Care Leadership Summit 2018

0 Comments

Shillong: U montri rangbah ka jylla, u Conrad K. Sangma ynne da wan wai u ya ka 3rd North East Health Care Leadership Summit 2018 hei emlang u montri i chait i khiah, u A.L. Hek wa u MP ka Sikkim u P.D. Rai ha Shillong.

Kani ka Summit toh kawa pynman da ka Public Health Foundation of India (PHFI) hei yakrehlang wa ka sorkar jylla wei da kyrchaan ya ka da ka Ministry of Development of the North East Region (DoNER).

I thong yong kani ka Summit toh wow pait ya ki kaam wa yatoh wa i chait i khiah ha thaaiñ Mihsngi wow pait ya ki laad ki luti wow pynmiat ya kani ka kaam nadooh kiwa chna aiñ, kiwa sumaar, ki thaw sumaar wa kiwi kiwi.

U Conrad K Sangma ha kani ka sngi da man u kam u kongsan, hei emlang u C.H. Kharshiing, Planning and Health Adviser, North Eastern Council; u Yeshi Tsering, Chief Secretary and State Vigilance Commissioner, Government of Meghalaya; Jayanto Narayan Choudhury, Vice President, PHFI; u Dr. Sangey Thinley, Former Health Secretary, Royal Govt. of. Bhutan; V. Vumlunmang, Principal Secretary, Dept. of Health & FW, Govt. of Manipur; ka Lalrinliana Fannai, Commissioner & Secretary, Dept. of Health & FW, Govt. of Mizoram; u Pravin Bakshi, Secretary, Dept. of Health & Family Welfare, Govt. of Meghalaya; Dr. Priscilla Nghaite, In-Charge Northeast, PHFI wa kiwi kiwi.

U Conrad hawa e i klam da ekhublei u ya kiwa pynman ya kani ka Summit, deiwa pynksan yei emkaam wow pynmiat yei rukom sumaar, wow e yumut iwi ya iwi wow pynjanai yei rukom sumaar. Da ong u wa emkaam wow sñiawthooh yei eh i khoo wa i duna ha i rukom sumaar wei emkaam wow pynjanai yeini khnang wow yoh yei chait i khiah wa pura.

Da pynchlur u thooh ki laad ki luti wow pyniat yei rukom sumaar neiwa man i katni.

“Emkaam wow pynjanai yei rukom sumaar, wei ka Meghalaya bhah ko 7 percent ha ka chnat sumaar iwa rap heh bar ya ka national average,” da ong u Conrad.

Da pynrap u deiwa ong wa ka sorkar ha uni u snem da pynku ko hadooh 30 percent ha ka mang poisa (Budget) neibynta ini.

Da pynrap u yei emkaam wow man ki bru wow im i rukom im wa chait deiwa kyntu ya kiwa sumaar wow e ki i chakri khooid cha kiwa chitom.

Da pynsñiaw u yei kmen wa ka sorkar da sdang ko wow kreh ya ki ar tylli ki Medical College hapoh jylla.

Da ong u leh wa ka sorkar angnood ko wow esikai ya kiwa kreh Asha wa ki Nurse wow pynduna yei khia kaam ki Doctor.

Ha kani ka Summit, da saam leh ya ki Achievement Awards cha ki bru wa e chakri ya ka NHM, Govt. of Meghalaya.  (1) Dr. Kalpana Choudhury, Gynaecologist.  (2) u Hameshaniah Suian wa ka Melanie Pariat, wow man kam ki Goodwill Ambassador ha ka RKSK Program. (3) Ki Development partners WHO & UNICEF kiwa yarap ya ka jylla ha i e dawai, wa kiwi kiwi. (4) Ka Selmila Momin, ASHA na Nangaburi, North Garo Hills, kawa da yoh leh ya ka ‘POSHAN MAAH” Award 2018 ha New Delhi ha ka 10 tarik uni u bnai.

Ha kani ka Summit da yoh ya i klam hajrong ki phang wa boon kawa yatoh wa ka thaaiñ mihsngi kam ka (1) Access to Health and Challenges in the North East (2) The Impact of Tobacco, Alcohol and Drug Abuse Epidemic: Lessons Learnt and Way Forward  (3) Health Care Financing, Human Resources for Health Issues and Challenges in the North East  (4) Epidemic & Disaster Preparedness in the North East (5) Leadership, Governance and Policy in Health: The North East NHM Context  (6) Cross Learnings of Best Practices and Challenges in the North East.

Ha kani ka summit da wan chim bynta hadooh 200 ngut kiwa wan na kylleiñ ki jylla ka thaaiñ mihsngi, kiwa mihkhnat ya ka UNICEF, WHO, World Bank wa kiwi kiwi.

Ka summit haap ko hapoh ka satri ka Project Swasth Uttar Purv, kawa hapoh ka Public Health Foundation of India wa kyrchaan da ka Ministry of  Development of North Eastern Region wow pynmiat ya i rukom sumaar.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply