Advertisement ad1

Jowai: Ka seiñ kiwa pathai khubor napoh Ri-loom Jaiñtia wa tip kam ka Jaiñtia Journalist Association (JJA) ynne ka sngi da pynman ko ya ka “Open Election Debate 2018” kawa arsngi neibynta ki kyrtong MLA ki 7 tylli ki Constituency ka Ri-loom Jaiñtia ha yung ka Kur Sookpoh Khad-ar Wyrnai, Chilliangraij, Jowai wa pyllai da u H.H.Mohrmen.

Advertisement ad1

I thmu kani ka Open Election Debate toh wow wanrah ya waroh ki kyrtong na waroh ki Constituency ha kajooh ka rynsan wow pynsñiaw ya ka thong krehkaam yong ki neibynta ka roi ka paar lada ki poi ki ha ka thong jop wei da yabhah ya kani ka yatai nia ya jar jiar ka Constituency.

Katkam wa pynbait, ynne ka sngi toh ya ki kyrtong yong ki 3 tylli ki Constituency, ka 1-Nartiang, ka 2-Jowai wa 3-Raliang wei da booh ya jar i por. Tangwa naki 3 tylli ki Constituency da poi ki kyrtong ka 2-Jowai kiwa kynthup ya u Wailadmiki Shylla kyrtong NPP, Moonlight Pariat kyrtong UDP, Marki Mulieh Kyrtong BJP, Banrilang Jungai kyrtong AAP katwa u Andrew Shullai u kyrtong ka INC ym em wan u.

Ha kani ka rynsan da e laad ya ki kyrtong wow klam ki ya ka thong krehkaam yong ki hapoh ka Constituency napyrdi ki thong wa da em wa hajan dooh wa ki wow kreh ki.

Hei yatoh wa kani ka sngi u Banrilang Jungai da ong u wa ka thong yong oo toh wow wanrah ya ka roi ka paar kam ki Hospital, ki School, University, u wanrah ya ka hok ki paidbah wei wow pyndooh ya ka kaam baam-tooh.

Da ong u wa kamwa tip ka India toh kawi na ka ri wa roi dooh ki kaam baam-tooh wei ka jylla Meghalaya leh man ko kamjooh wei ka AAP hi yieñ ko wow pyndooh ya ini i kjut.

Neiliang u Wailadmiki Shylla da u ong u, “Kam u bru wa wan na ka manyung wa dooh wa duk uwa da maad chiboon ki chitom wei sñiawthooh bha O yei eh i khoo ki paidbah wei lada poi ha ka thong daw yaleh O wow pynwiar ya ini waroh.”

“Ka thong kawa nga booh O beibynta ka 2-Jowai toh wow pyndep ya ki kaam wa dang sah kam ka Iawmusiang Shopping Complex, ka Umngot Project natlor wow pynbiang ya ki dawa ka Kiang Nangbah Governement College, Civil Hospital, Be.Ed College, Polytechnic, ITI wei katwon u pynkmen ya nga lada nga ye O u pyndep ha kani ka kynti yong nga ya waroh ki kaam wa sahteiñ wow myntoi ki paidbah” ong u Wailadmiki.

U Moonlight Pariat da kular u wow pyndep ya ki kaam wa dang sah kam ka Iawmusiang Shopping Complex kawa ym em de kiwa chimkhia hadien kiwi ki EC ka JHADC leh ym ye de ki u pyndep yow yoh ya ka poisa 2nd Instalment, kamtæ da kular u wow pyndep ya kani ka kaam wa sah.

Da klam u leh chaphang wow pynyoh kaam ya ki khynroo khyllood deiwa e ya ki ya ka sikai wow yoh kaam yow ye ki u yieñ ha ki kyat yong ki dahi lyngba ka Skill Development neibhah katni da khor wow yoh krehkaam sorkar kawa man ka thong wa hakhmat dooh i yong oo.

Neiliang u Marki Mulieh won da ong u wa ka BJP nadooh naka sorkar pyrdi da em ki ya ka Policy krehkaam wow wanrah ya ka ri India kawa thymme, kamtæ lyngba ki scheme wa boon u pynthymme ko ya ka dur ka sur ka Jowai neibhah man ko ka yit paitdur ya ka Ri-loom Jaiñtia deiwa pynbha ya ki luti ki syngkieñ, ka puræ puthi wa ki thaw sumaar.

Wei da ong u leh wa kawa kongsan dooh toh wow wanrah wow pynyoh khih yoh jam neibhah ka sorkar katni ym em ko ka Policy wa biang wow pyrkhat ya ka yoh kaam wei emkaam kawa biang bha wow pynwiar ya ka dooh kaam.

Hadien wa ki kyrtong da dep klam ki da e laad leh ya ki paidbah wow pachat ki ya ki phang kylli ya ki kyrtong wa wan wei ya ki Constituency wa dang sah daw pynman mynstep ka sngi ha ka jooh ka thaw.

Advertisement ad1