Advertisement ad1

Jowai : Ka lympung wa ar sngi ya kawa da tip kam “Ka Lympung Ki Khynnah Seng Khasi Seiñ Raij” da kut ko ynne ka sngi kawa da pynman ha chnong Nonglang, South West Khasi Hills.

Ya kani ka lympung da pynman nadooh ka 16 Duyatra (January) 2016.

Heipor chiteiñ sngi ka 16 tarik da wai ya kani ka lympung da ka Seng Khasi Nonglang heiwa da pynwyrngia ya ki khynnah da ka Dat-mookheiñ wei Siat Khnam.

Ynne ka step 17 tarik kam wow pynkhreh neibynta i sngi ki khynnah da leh yoga ki hadien ini da em ka yakylliang ya u Dongmusa ha pyrdi u Namshwa D. Bareh wa u Nishal Iawphniaw heiwa da e diñ ki ya u dongmusa. Da yoh leh yei ngoohblai na u Sanbhakupar Kharlyndoh.

Da yoh yei kyntien pdiang burom na u Banshimti Snaitang wa i rwai pdiang burom na ka Seng Khasi Nonglang wei da yoh leh yei rwai yonglang na ki khynnah iwa da pyrtuid “Jingrwai la ka Ri” na ki khynnah yong ka Nonglang wa ka Nongthymmai.

Lympungsk1

Da yoh yei klam hajrong ka phang “Ka jingngeit tynrai u Khasi” na ka Phidaroikor Mawiong na ka Sengkhasi Mawiong.

Lympungsk2

Ha kani ka Lympung da yoh ya ki rwai ki chaad wa ki lehke danda wa tbian na ka Seng Khasi Mawngap kawa da e pyrtuid “Ka rukom thung syiem hyndai” wa na ka Seng Khasi Riwar-Mihngi kawa da e pyrtuid “Ka jer ka thoh”.

Da yoh leh ya ki chaad tynre na ki raij na Ri-Loom Jaiñtia kam na Mukhla, Shangpung wa na Nongtalang.

Lympungsk3

Da yoh leh yei klam hajrong ka phang “Ka jaidbynriew bad ka niam la thoh da ka snaam” wada klam da ka jong Asa Bang na ka Seiñ Raij Chyrmang.

Da yoh leh yei klam na u kongsan u Omarlin Kyndiah uwa man leh kam u Secretary ka Seiñ Raij Shillong wa na kiwi kiwi.

Chwa wow pynkut ya kani ka Lympung da chimkti ya ka dongmusa da u Nishal Iawphniaw cha ka Seiñ Raij Khliehtyrchi wei da pynhiar ya ka lama da u Daker Shwami Ryngkhlem khaddooh da pynkut ya kani ka Lympung da i lai paidbah kiwa yachimbynta ha kani ka Lympung.

Lympungsk4

(Ya waroh ki dur da e sniawbha da u Kamnipaia Challam u wa ka-it u puræ ya u www.wyrta.com)

Share this:
Share on Facebook0Tweet about this on TwitterGoogle+0
Advertisement ad1