15 49.0138 8.38624 1 1 4000 1 http://wyrta.com 300

Wan wai u James Sangma ya ka e-Prison Software ha District Jail, Jowai yow pynsuk ya i kaam wa yatoh wa ki koidi

0 Comments

Jowai: Ka District Jail, Jowai da man ko ka patok ka wa ar hapoh ka jylla wow pynemkaam ya ka e-Prison Sotware heiwa da wan wai ya kani ka Software da u montri ka kaam pohyung ka jylla u James Sangma ha ka yalang wa pynman ha pchem ka Jowai District Jail ynne ka sngi.

U montri hei klam yong oo da ong u wa ka sorkar kwah ko u wanrah ya i stat wa yatoh wa kani ka juk ha waroh ki liang krehkaam ka sorkar yow suk ki paidbah leh u smat u yoh yutip yei rukom reh ka sorkar kamjooh leh wow pynsmat yei rukom krehkaam ki tnat sorkar hi waroh deilang.

Da yaroh u leh ya u Director General for Prison u R.P. Aggarwal uwa da pyrnkrehkaam ya kani ka e-Prison Software wei da yooluti u wa deiwa pynkrehkaam ya kani ka Software daw pynsuk ko ya i krehkaam hapoh kani ka patok wei daw wanrah ko yei kylla ya kiwa chah kset yow ye biang ki u man kam ki dkhot ka imlang sahlang.

Ha kani ka sngi da pynyoo leh kammon lyngba kani ka Software da ye u chim ya i chon dur ya ki pariam kti kamjooh wow chon dur ya uwa chah kset wei kammon u pyndap ya ki waroh kiwa emkaam u tip chaphang kiwa chah kset.

Neiliang u Director General of Prisons, u R.P. Agarwal, da pyntip u wa lyngba ka e-Prisons daw ye u pynsuk ya i rukom krehkaam ki patok heiwa kammon man wei heiwon kset ya u koidi wei da em leh ki yutip wa da booh chaphang uwi pa uwi u koidi. Daw yarap ko leh wow pynsuk ya i yachem wa ki koidi, i man i long ki patok, wow ujor lada em iwon iwon i duna.

Da ong u leh wa lyngba kani ka Software ye u leh Video Conference wow pynduna yei chitom wow phah wei wow yah ya ki koidi na patok cha yung kasari.

Ha kani ka sngi da yoh leh ya i rwai na ki wa chah kset wei da e ki leh ya ki tiar sahkynmoo cha kiwa chah khut sñiawbha ya kiwa da chna ki da ki kti yong ki hi.

Ha kani ka sngi leh da wai leh ya ka Website yong ka Meghalaya Prison.

Advertisement ad1

Kut ka yalehke hapyrdi ka Ladthadlaboh waka Ca....

Previous

Ye ki bru kiwa ym em mih pyrtuid ha ka NRC wow....

Next

0 Comments

Leave a Reply