15 49.0138 8.38624 1 1 4000 1 http://wyrta.com 300

Wanrah ka sorkar pyrdi ka BJP i sñiawyaphær hapoh ka ri: Congress

0 Comments

Shillong: U Montri Rangbah warim ka Kerela uwa man leh kam uwa yahkhmat ka Congress da pynbaad u wa ka BJP kawa em ha ka sorkar pyrdi da wanrah ko yei sñiawyaphær ha ka ri nadooh ka baam ka dih, ka riam ka bait.

Hawa yaklam u wa ki laad pathai ynne ka sngi ha Shillong, u Oommen Chandy da ong u wa ka BJP stat ko wow tuklar ha ka baam ka dih ha ka riam ka bait tangwa ha ki mar ki mata kiwa da ku dor heipor wa synchaar ka BJP ym em pyrkhat ko wei kiwa yoh nong toh du ki heh spah wa ki Company.

Advertisement ad1

Uni uwa yahkhmat ka Congress uwa wan cheni wow yalap Election ya ka Congress, da ong u wa hanlada ka BJP ym em MLA ko ha kani ka jylla tangwa ye ko u pynemkaam da ka bor neibhah ka em ko ha ka sorkar ha Delhi.

Wow yaleh pyrchah ya ka bor yong ka BJP, u Oommen da ong u wa ka Congress hapoh i yahkhmat u Rahul Gandhi da pynkha ko ya ka seiñ wa em ha waroh ka ri.

Heijooh i por da yaroh u ya ka sorkar Congress kawa yahkhmat da u Montri Rangbah ka jylla u Dr. Mukul Sangma. U Oommen da kam u wa u Montri Rangbah ka Meghalaya wa da leh u chiboon ki kaam pynroi wei kyrmen skem u wa ka Congress daw wan biang ko ha i bor ha kani ka jylla.

Hawa beiñ joor ya ka sorkar BJP ha Delhi, u Oommen da ong u wa hadooh katni u Montri Rangbahdooh ka ri u Narendra Modi ym em pynmih u ya kiwon kiwon ki kyntien pynrem hajrong i chah siat yap kawa thoh khubor ka Gauri Lankesh wei ini da pynyoo ya kayi kayi ha lyndet.

Advertisement ad1

Mynsoo joor ki 8 ngut hadien wa tyrrah ka kari....

Previous

Pynbaad u HS Shylla wa tyngkheiñ u Ardent ya k....

Next

0 Comments

Leave a Reply