Jowai: Katkam ka khubor wa da yoh da ong wa kawi na ki seiñ yalehke football wa pawnaam ka ri India kawa tip kam ka Mohammedan Sporting Club da yasoi ko wa ki le ngut ki khon khynroo ka jylla wow yalehke na kani ka Club ha ka 2nd Division I League neibynta u snem 2019-2020.
Kini ki le ngut kynthup ki ya u Stephanson Pale, u Eijingmut Lyngdoh wa u Joy K Raswai.
U Stephanson Pale toh uwa na Wahiajer, u Eijingmut Lyngdoh na Raliang wa u Joy K Raswai toh uwa na Shillong.
Ha chwa u chah khut kini ki le ngut ha kani ka Club na Kolkata da jooh yalehke ki na ki Club na Shillong kam u Eijingmut Lyngdog wa u Joy K Raswai da yalehke ki na ka Laban Sport Club kawa da ku Super Division ha uni u snem wa dadep, katwa u Stephan Pale da jooh yalegke u na ka Langsning FC ha kini ki snem wa dadep.
Discussion about this post