Advertisement ad1

Khliehriat: Ka seiñ Southern Border Youth Welfare Association (SBYWA), East Jaiñtia Hills District, Khliehriat hei yakhmat u Skhembor Shadap, President wa u Namphrangmi L Talang, General Secretary ka seiñ da lai yachem biang ko ynnin ya u Deputy Commisioner ka East Jaiñtia Hills District u MS Lhuid.

Ha ini i yachem da yaklam heiyatoh wa slem u pynkreh ya ka yiñkieng Tisang wa em ha chnong Borkhat kawa da sdang u pynkreh nadooh u snem 2010.

Advertisement ad1

Neiliang u S. Shadap da ong u wa ka seiñ hadien wa da dep yachem ko wa u DC ka EJHD ha ka 24 Duyatra (January) 2017 heiwa da e ya ka dorkhat neibynta wow dawa wow pynkreh smat ya kani ka yiñkieñ wa em ha chnong Borkhat kawa da sahteiñ ko kattu la 6 snem tam katwa kamtae ka seiñ da kyrpaad ko ya u DC ka District wow shimkhia wow leh yeiwa emkaam.

“Kani ka yiñgkieñ man ko u boodloom ya ka roi ka paar kani ka thaiñ yong i” da ong chooh chooh u Shadap.

Neitæ u Namphrangmi L. Talang, da ong u hadien ini i yachem neiliang yong oo da khana u wa da wan sylli u ya katai ka yiñgkieñ ha kini ki bnai wa da dep khamtam hadien wa da yoh dorkhat u na ka seiñ tæ da dep thoh u leh ya ka kot cha u EE ka tnat PWD Jowai watoh u pait wow pynkreh ya kani ka yiñgkieñ tangwa hadooh kattæ ympu em yoh yei jubab na kani ka tnat.

Neiliang yong uni u heh District da kyrpaad u ya ka seiñ wow yang ko sa kattu katni por hadooh wa yoh yei jubaab na u EE PWD wei hadien neitæ u khut won ya ka seiñ khnang wow yoh yei che hei yatoh wa ini.

Ka seiñ da ong ko leh wa lada ini waroh ym man i iwa sakhiat ka seiñ daw thooh ko da kiwi kiwi ki laad ki luti neibynta i bha i miat ki paidbah.

(Images-File Photo)

Also Read: Sñiawkhia ka SBYWA wa jnah i kreh ya ka yingkieñ Tisang

Share this:
Share on Facebook0Tweet about this on TwitterGoogle+0
Advertisement ad1