Advertisement ad1

Shillong: U Nalin Kohli uwa pait ya ka Meghalaya, BJP da ong u wa i khut yachem wa kiwa yahkhmat ki niam ym toh i kaam saiñpyrthai, tangwa man ko kam ka rynsan wow ya phyllu yumut hajrong wa kammon u wanrah ya ka roi ka paar.

Ha kani ka yalang wa khut da ka BJP, da wan chimbynta ki niam waphær waphær kam ki phadar na ka balang Catholic, ki pastor na ka Presbyterian, ka balang All Saints, ka Seng Khihlang wa ki Sikh.

Advertisement ad1

Kani ka yalang man ko ka sien wa nyngkong wa ka BJP khut ko ya ki wa yahkhmat niam ha ka jylla kawa kiwi ki party ym jooh leh ki.

Hawa yaklam wa ki wa pathai khubor hadien wa kut ka yalang u Kohli da ong u wa sñiawngooh u yeiwa wan ki wa heipor wa tbian wei da sñiawsuk u wa yoh u ya klam wa ki wei da mih boon i myntoi.

Da ong u wa da yaklam ya ki phang waphær waphær wei da sñiawthooh wa ki niam ym em bynta ki ha ka kaam saiñ hima sima tangwa da yaklam wow pynkhlan ya ka synchaar paidbah.

Da ong u leh wa lada em ka BJP ha ka sorkar wa synchaar ya ka jylla Meghalaya daw yakrehlang ko wa waroh ki niam wei ym pait chilliang ko ya kiwon kiwon.

U Kohli da kyntait u leh yeiwa chah pynbaad wa ka BJP toh kawa chongchit niam wei burom ko yei sñiaw yei ngait ki bru samen.

Share this:
Share on Facebook291Tweet about this on TwitterGoogle+0
Advertisement ad1