15 49.0138 8.38624 1 1 4000 1 http://wyrta.com 300

Yahkhmat ka Chnong Panaliar ya ka yalang Election ki kyrtong kawa phær

0 Comments
Advertisement ad1

Jowai: Ka yalang Election ha kiwa boon ki chnong ka ri-loom Jaiñtia khamtam hapoh Jowai man ko kawa chongchit heiwa ki sarok cha ki thaw man yalang man ki kiwa dap wa khynñia du ki kari, ki bus iwa wanrah leh yei sah kut ki kari.

Ki paidbah leh da boon wa haap hiar ki dei kjat wei ki thaw pynman yalang wa ki Yungwalieh man ki kiwa dap da ki paidbah kiwa lai yalang ym du napoh ka chnong tangwa wot kiwa na baar chnong.

Advertisement ad1

Ka Dorbar Chnong Panaliar ynne ka sngi da yahluti ko deiwa pynman ya ka yalang Election kawa rap phær na kiwa man cha kiwi tawon ki thaiñ ka ri-loom Jaiñtia heiwa ki sarok wow lai cha ka chnong da man ki kiwa kyllooid, ka Yungwalieh ka chnong kawa dap du da ki khon ka chnong, wa ka yalang kawa lai bait kawa khlem i awri namo i kbai ya kiwon kiwon ki kyntien kyrchaan namo pyrchah ya u kyrtong.

Ynne ka miet da sdang ka yalap Election da u kyrtong ka UDP u Moonlight Pariat wei kani ka yalang man ko kawa tbian wei heiwa ki khon ka chnong da yoh ki u ap du ya ki kyntien wa klam na uwa kyrchaan ya u kyrtong kamjooh ki daw wa ki thong krehkaam u kyrtong wa da booh u ha kani ka kynti.

Kam wow pynkynmoo heini ka Dorbar Chnong ha kani ka 6 tarik uni u bnai da pyntip ko wa da booh ya ki kattu katni ki kyndon hei yatoh wa ki yalang yalap Election ki kyrtong hapoh ka chnong.

Ki i ki kyndon kynthup ki nadooh ki kaam poisa, u chah du ar ngut ki wow klam wa kynthup ya u kyrtong wa uwa kyrchaan ya oo, da chah du ya 12 ngut kiwa synraan ya u kyrrong wa ar tylli ki kari kiwa wan wa u kyrtong wa kiwi kiwi ki kyndon.

Ini i leh yong ka Dorbar Chnong Panaliar, da wanrah i ya i rukom pynman yalang yalap Election iwa rap phær ha kani ka kynti.

Da em leh ki Dorbar Chnong kiwa booh ya ki kyndon kiwa man kam kini wa kynthup ya ka Dorbar Chnong Khimusniang ha Jowai wa kiwi kiwi.

Ka BJP man ko ka tnat yong ka RSS: Gaurav Gogoi

Previous

Samen wan u kyrtong ka 4-Mowkaiaw wow chimbynt....

Next

0 Comments

Leave a Reply