Khliehriat : Ynne i step da em i jia wa sniawsih heiwa da oor kawi ka bus ha iwi i bynta riat wa synrang ka chnong Tongseng, East Jaintia Hills heiwa da yap hadooh 10 ngut ki bru wei mynsoo palat 21 ngut.

Ya kiwa da yap da tip kam u Sanjier Boisnap wa 32 snem i rta na Kalma, District Cachar, Assam, u Md. Jalaluddin Mazumdar i rta 22 snem na Bashdakar Matijuri, District Hailakandi, Assam, u Kopi Das wa 26 snem na Hajughat, Assam, u Md. Abdul Ash Barbuiya wa 14 snem na Aljapur, District Hailakandi, Assam, u Dandiram Roy wa 38 snem ka CRPF na Adlaguri, District Bongaigoan, Assam, u Ajun Biswas wa 36 snem wa na Dolohatgaon, Distrcit Lakhimpur, Assam, u Paban Sinha wa 23 snem na ka Assam Regiment wa u Suchendra Namesudra 56 snem na Karimganj, Assam.

Kani ka bus em ko yow number AS 24C 2788, wei thmu ko u lai cha Hailakandi District ha Assam wei da mih ko na Guwahati.

Napyrdi kini kiwa mynsoo da em 4 ngut ki kynthai katwa kiwa yap waroh 10 ngut toh ki chynrang. Katkam ki yutip na ki bor pulit ya kiwa mynsoo da kit cha  Silchar Medical College, Assam, CHC ha Khliehriat wa cha Jowai Civil Hospital.

Ki pulit dang takit ki yeini iwa jia.

bos1

Share this:
Share on Facebook0Tweet about this on TwitterGoogle+0
Advertisement ad1