Jowai : Yap ar ngut ki bru hadien wa ka kari wa chong ki da chah tyrrah ko ha ka chnong Mawryngkneng, East Khasi Hills District weiwa da mynsoo ar ngut. Ini da jia i ynnin ka 7 tarik  heipor kamwa 6:54 i step.

Kani ka Maruti Alto 800, thmu ko u wan cha Jowai kani ka kari nyngkong da chah tyrrah ko nadien ha kawi ka truck 12 chaka hadien ini nei bor wa joor wa chah tyrrah ko kani ka kari da yatyngthkooh ko mar khmat wa kawi ka truck Dumper.

Ha ini yatyngkhooh u wa yah wa uwa chong hakhmat da mynsoo ki, katwa kiwa chong hadien ar ngut da yap ki.

Ya kini ki ar ngut wa yap da tip kam u Starbor Shadap uwa 53 snem wa u Brington Synnah uwa 48 snem i rta.

Ka kari 108 Emergency Service Ambulance wa em ha Mawryngkneng da kit ko ya kiwa mynsoo ya kiwa da tip kam u Lenstar Lyngdoh uwa 46 snem wa u Famous Shadap 20 snem wei da kit ya ki cha Mawryngkneng PHC wow chah sumar ki hadien da kit ya ki cha Woodland Hospital, Shillong.

Share this:
Share on Facebook0Tweet about this on TwitterGoogle+0
Advertisement ad1