Advertisement ad1

Jowai: Ka Jaintia Students’ Union (JSU) wa ka Jaintia Youth Federation (JYF) da kynnoh ki wa i chah yooh beiñ ki khynnah puræ yong ka KNGC haka 10 tarik man ko pyrchah ya ka aiñ, neibhah kam ki khynnah puræ ki khynnah skur da chah dat chah bom ki hadooh kat deitu du neidaw wa yakhih jai jai ki.

Advertisement ad1

“ileh em mo ka aiñ wow ebor ya ki pulit chynrang wow dat wow bom ya ki khynnah kynthai kamtu khantam ya kiwa sap uniform? Nalor itæ wow dat wow bom katwa ngait na khlieh na kti wa na kiwi ki bynta i doh i pran wa lung” da ong ki nongyalam kini ki ar seiñ.

Heijooh i por ka JSU wa ka JYF pynsñiaw ki yei mynsien wa kmen wow yoo ha ki khubor wa ong u Dy Chief Minister u Dr. RC Laloo wa em i thungkaam sop sop hapoh ka KNGC Jowai ha ki 14 snem wa da dep da ki Principal warim yong ka, hei yatoh wa ini kini ki ar seiñ kyntu ki leh ya uni u nongmihkhmat wow tuklar u kamjooh ya kiwi ki tnat sorkar (Department) ka sorkar Jylla hei yatoh wei thungkaam sop sop khamtam kiwa dang jia ha kini ki kajak snem wa da dep khnang wow pyndooh ya kam kini ki kaam tyngkheiñ aiñ.

Kini ki ar seiñ kyntu ki ya ki bei ki pa wa ya ki paidbah wa ki nong chongchnong ka Ri-Loom Jaiñtia wow man kiwa da pynkhreh heiwon heiwon i por wow mih madan neibynta ka mynried kawa tyrchaaiñ ka yong i.

Ya kani ka khubor da pyllait da u Rikut N Parien (President JSU) wa u Poipynhun Majaw (President JYF).

Share this:
Share on Facebook0Tweet about this on TwitterGoogle+0
Advertisement ad1