15 49.0138 8.38624 1 1 4000 1 http://wyrta.com 300 0

Yatylli kiwa kreh Mid-Day Meal yow seiñ ya ka All Jaiñtia Mid-Day Meal Workers Union

0 Comments
Advertisement ad1

Jowai: Ka General Meeting kiwa chet ja sngi næ ki Mid-day Meal Workers ha ki skur SSA ha ri-loom Jaiñtia da pynman ki ya ka yachem lang haka 13 tarik uni u bnai ha yung Dorbar Chnong ka Ladthalaboh, Jowai heiwa da emlang hadooh kamwa 220 ngut kiwa chet da wan ki na kylleiñ ka ri-loom Jaiñtia.

Ha kani ka sngi da emlang u K. L. Pariat President, ka D. Ïakai Vice President wa kiwi ki dkhot ka All Jaiñtia Muster Roll Workers & Labour Union, Jowai kiwa da e ya ki klam e mynsien e burom ya kiwa chet ja sngi waroh wei da kular wow yah wow yarap ya kiwa chet yow yoh yei hok kawa toh u yoh ki.

Ki phang kawa da yaklam toh hajrong i duna palat i su kawa T. 1000 chi bnai wa T. 10,000 chi snem wei da hap ki wow kreh nadooh 8:00 waje i step hadooh i 04:00 waje i janmiet 5 sngi chi tayaw nadooh ka sngi nyngkong hadooh ka sngi thohdieñ. I wym tikna leh i su wa kiwi kiwi ki yarap naka sorkar.

Hadien i yaklam lang wa chimbynta da kiwa chet da chim ya kini ki rai:

  1. Neibynta i bha i miat para kiwa kreh Mid-Day Meal da chim ya ka rai wow seiñ noh ya ka All Jaiñtia Mid-Day Meal Workers Union, Jowai wei kani ka seiñ u pynyabi ko wa ka seiñ All Jaiñtia Muster Roll Workers & Labour Union.

Kiwa kitkaam ka seiñ kiwa da jied man ki kamni ha wah:

(i) President – Ka Rihunmon Lamare

(ii) Vice President – Ka Krety Dkhar

(iii) General Secretary – Ka Nela Toi

(iv) Asstt Genl Secy – Ka Lana Laloo

(v) Treasurer – Ka Rimika Challam

wa kamwa 20 ngut ki dkhot ka Executive Committee.

(2) Da chim ya ka rai wow dawa na ka sorkar yow pynku noh ya i su katkam i dor ka yaw ka haat wa katni khnang wow yoh tang wow thied kot ya ki khon.

(3) Da rai wow dawa na ka sorkar yow su tikna ya i su man u bnai khnang wow ya ryngkat katkam wa da kreh tista ya ka kaam.

(4) Da chim leh ya ka rai wow yaleh da iwa eh, khnang wa kam ki wakreh wa pynbiang ya ka ja sngi ki khynnah skur u yoh ki yei hok wa toh u yoh.

Kamtæ ka seiñ da kyrpaad lang ki ya waroh ki MLA, ki montri sorkar, kiwa yahkhmat chnong, ki bei ki pa yong ki khynnah skur SSA wa kiwa chong chnong wow e lang ki ya i kyrchaan ha kani ka yaleh ka seiñ khnang wow yoh u chakri da kawa bha tam ya ki khynnah skur kiwa sñiaw wa man kam ki khon ki kti.

Advertisement ad1

0 Comments

Leave a Reply