Advertisement ad1

Shillong: U Inspector General of Police (TAP) uwa man leh u Chairman, CRB, Meghalaya, Shillong da pyntip u wa kiwa yaleh kreh kaam pulit ha kiwa boonjait ki kyrdan wei kiwa poi cha khmat kiwa da chah khut cha ka Personal Interview da pynmih ya ka result ha kani ka 17 tarik uni u bnai.

Ki marks wa pynmih toh kynthup ki ya kiwa yoh ha ka Physical Efficiency Test (PET), Bonus Marks wa ki marks na ka Written Examination. Ki marks yong ka PET toh kiwa da pynmih chsien wa da dep ha ka jooh ka sngi ha Meghalaya Police Website wei hadooh katni leh dang em ki ha ka Website.

Advertisement ad1

Kiwa chah khut cha ka Personal Interview toh da jied katkam ka Reservation Policy ka jylla Meghalaya.

Ya ki wym hun yeini ye ki u pyntikna ya ki marks wa yoh ki lyngba ka police website deiwa lai ha u http://megpolice.gov.in/recruitment.html wei heini daw chem phi ya ki Answer Keys ki jubab wa toh ya waroh ki subject.

Da pyntip leh wa cha waroh kiwa yaleh ya ka Written Examination da e copy (OMR Sheet) yei jubab wa e ki kamtæ ye ki u wow wyrchaw yei jubab wa jied ki wa ka jubab wa da booh ha ka Answer Keys.

Kiwa em iwon iwon i ujor hei yatoh wa ini toh u pynpoi ki ya ka ujor yong ki cha u Principal, Police Training School cum Member Secretary, CRB, Meghalaya, Shillong ha chwa ka 5:00 waje i janmiet yong ka 26 tarik uni u bnai. Ye leh u phah ya ka ujor cha u Superintendent of Police yong jar jiar ki district wei ye leh u phah email ha [email protected]

Share this:
Share on Facebook0Tweet about this on TwitterGoogle+0
Advertisement ad1
Advertisement ad1