Jowai : Ynne ka sngi da yoh u sakhi wa da sdang i chna pynmiat ya u surokbah NH-44 ya ha ki bynta wa da sih khlem toh por itæ nadooh na Mukhla hadooh ha Puriang wei katkam wa man kattæ da sdang yeini i kreh nadooh na Lad Mukhla

Advertisement ad1

Katkam ka khubor wa da pynmih ynnin (28 Naichiphaw 2015) ha u Wyrta yong phi da ong wa i chna pynmiat ya uni u surok u sdang nadooh myntu (29 Naichiphaw 2015) tangwa katkam ka jubab RTI da tip wa ya i psiang wa da pynemkaam wow chna ya uni u surok man i, i wym biang hadooh iwa da sih du hapoh le bnai nawa dep chna. Katwa kamtæ ya i psiang, ki mar wa ki tiar kiwa daw pynemkaam ha i chna pynmiat ya uni u surok daw phah cha ka Assam Engineering College yow peit u sylli ko wa man ki namo ym man ki kiwa biang.

Iwa yoo phylla won wa hadien wa yachem wa u DC West Jaintia Hills, u Arunkumar Kembhavi da ong u wa ym tip u ya katæ ka khubor wa dang yang ya i chem ka Assam Engineering wei da pyntikna u na ki bor wa peit ya kani ka surok wa hadooh kattæ leh ym pu yoh ya ka result neibynta i rukom man i psiang wa kiwi ki mar chwa wow chna pynmiat biang ya uni u surok uwa da sih du hapoh le bnai nadooh wa dep chna.

Da kular u DC wa manda yoh u yei jubab ha kini ki sngi wei lada chem wa ym em biang i psaing wa kiwi ki mar wa pynemkaam ki tæ daw pyndam u ya i chna ya u surok.

I thaw boh ya ki top psiang ha jan surok bah

 

Share this:
Share on Facebook0Tweet about this on TwitterGoogle+0
Advertisement ad1