15 49.0138 8.38624 1 1 4000 1 http://wyrta.com 300

Ye u pynyinsur ya ka Election MDC da 6 bnai: MB Rymbai

0 Comments

Jowai: U Madonbai Rymbai, Chief Executive Member ka JHADC da ong u wa u Jual Oram, u Montri ka sorkar pyrdi wa pait ya ka Tribal Affairs da ekse u wow pynku noh ya ki Constituency namo ki seat yong ki ADC hapoh jylla wa kynthup ya ka JHADC, KHADC wa GHADC.

U Madonbai da ong u wa dang ini, du hadien wa kut ka Dorbar Tlang ka Council haka 27 tarik hadooh 30 tarik u Khonchonglad 2018, da lai u cha Nongbah Delhi ryngkat wa ki MDC ka KHADC wa kiwi kiwi ki para MDC ka JHADC wow yachem ya u Jual Oram wow yaklam hajrong i pynthymme (Amendment) ya ka Sixth Schedule yong ka Riti Synchaar ka ri India.

Advertisement ad1
Advertisement ad1

“U Jual Oram da ekse u wa khlem pep daw wanrah ki ya ka Bill ha Yung Dorbar chna aiñ (Lok Sabha) ha ka Dorbar Tlang haka 10, 11 næ 12 tarik uni u bnai wow yoh yei mynjur napoh dorbar khnang wow pynku yei em dkhot hapoh ka Council”, da ong u Madonbai Rymbai deiwa pynrap leh wa ka sorkar pyrdi da phah ko ya ka sorkar jylla wow pynkrehkaam noh yei pynboon seat ha Garo Hills Autonomous District Councils (GHADC) wa ha Khasi Hills District Councils na ka 30 cha ka 40 tylli heiwa soo tylli ki Seat u man ki ki wow thung wei ar tylli na kini yoh neibynta ki kynthai. Katwa ha Jaiñtia Hills Autonomous District Council daw pynku ya ki seat na ka 30 cha ka 34 Seat heiwa ar tylli na ki soo tylli ki Seat u man ki ki wow thung hi-eh katwa ar tylli u man ki neibynta ki kynthai.

U Madonbai da pyntip u wa lada mynjur ya ini i pynthymme ya ka Sixth Schedule wot ka samoi krehkaam leh daw pynyinsur da 6 bnai wei ka election leh ye u pynman ya ki hadien wa da phiah ya ki Constituency.

Chooh chooh hajrong kiwi kiwi ki laad yarap næ ka bhah na ka NITI Ayog, u CEM da ong u wa da pyrchang yaklam ki wow pynku ya ka bhah yong ka JHADC wei ka NITI Ayog da kular ko leh wow pynyoh ya ka song yarap ya ka Council kawa tip kam ka Special Central Assistant Grant.

Advertisement ad1
Advertisement ad1

Chah kem 6 tylli ki truck wa kit mooyong ha Ma....

Previous

Daw lehwarom ka KSU ya ka lyngkhooh sngi yap u....

Next

0 Comments

Leave a Reply