15 49.0138 8.38624 1 1 4000 1 http://wyrta.com 300 0
Advertisement ad1

Ym emkaam wow su ha pyn ar ki Toll Gate wa em hapoh JH

0 Comments

Khliehriat: Ka seiñ Meghalaya People’s United Front-East Jaiñtia Hills District (MPUF-EJHD) ryngkat wa ka Khliehriat Circle hapoh i yahkhmat u President yong ka, u Michal Chyrmang ynne ka sngi da yachem ki ya u Deputy Commissioner ka East Jaiñtia, u F.M Dopth ryngkat ka dorkhat hajrong i em ar tylli ki Toll Gate ka NHAI du hapoh ri-loom Jaiñtia.

Ha ini i yachem u DC da batai che u cha ki wa ki paidbah ka District wa chisien wa lai lyngba uni u sarok National Highway wei dadep su ha kawi ka Toll Gate lada ha Lumshnong Toll Gate ha East Jaiñtia namo kawa em ha Pasyih-Ialong, West Jaiñtia ym emkaam de wow su ha waroh ar thaw wei emkaam wow pynyoo ya ka Entry Receipt donhi.

Ka seiñ da kyrpaad ko ya ki paidbah ka thaaiñ wa lada kini ki Toll Gate ym pdiang ki ya ka Entry Receipt wa yoh na kawi ka Toll Gate wow ujor cha u Deputy Commissioner namo wow pyntip cha ka seiñ khnang wow ye ko u leh yeiwa emkaam.

Ka seiñ da ekhublei ko ya u DC ka District uwa da pynche paidbah hajrong ini.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply