Advertisement ad1

Jowai: “Nadooh ka Semester wa thymme kiwa wan puræ BA wa B.Com ym pdiang de u su da ka poisa mar kti ya waroh jait ki bai College wei emkaam u pynemkaam noh da ka ‘Digital Payment’ lyngba ki Apps wa em ha ki smartphone” da ong u Dr. R.R. Kharkongor, Principal, Thomas Jones Synod College, Jowai.

Ya ini da ong u ynne ka sngi ha ka yalang pynsñiawthooh ya kiwa puræ kawa tip kam ka ‘Awareness Programme on Digital Banking’ kawa pynman ha kani ka College.

Advertisement ad1

U Chief Manager ka tnat SBI u S.T. Ngaihte ong u wa lyngba i stat sayan ka pyrthai wa katni ym emkaam de u lai yooh kjat ha ka Bank neibhah lyngba ki Smartphone da ye lut u leh waroh i jait kaam kam wow phah poisa, u kylla ya ki Pin ki ATM, u tynyap ya ka ATM lada chah tooh, u kheiñ sap ya ka bai bnai chwa wow chim ram na ki bank, u yoh ya ki Bank Statement wa kiwi kiwi.

Da ong u leh hadooh wow chim ya ki Token heipor wa kwah u thap poisa ha bank da em ka App wow leh yeini wei daw pyntip ko leh sa katwon minit u chimpor chwa wow poi sa u Token Number yow lait u pynlut por u yang hapoh ka bank.

Uwa esikai bniah won hajrong ini waroh u Debraj Barua na SBI hi da ong u wa nyngkong ya ki ATM leh artatien ki bru u pynemkaam ki tangwa katni won waroh waroh wa pynemkaam ki.

Ka App SBI Buddy toh kawa boon dooh wa pynemkaam ki paidbah heiwow thied ya ki tiar ki tar, u thied ticket airplane, ticket baiscope, u su bai baam ha ki Restaurant wa kiwi wei ye u pynemkaam T.50,000 chi sngi hadooh T. 2,50,000 chi bnai.

Uni u SBI Buddy, ki bru wa ym em Bank Account wa ka SBI leh ye ki u thap poisa ha oo na kiwi ki bank yow su yeiwa emkaam ki.

Kam ya ki College ki Company, ki Hospital wa kiwi da em u App wa chna kyrpang ya ki uwa tip kam u SBI Collect. Kiwa puræ ha Thomas Jones College haap pynemkaam ki da uni u App yow su ya waroh i jait wa emkaam.

Da batai leh chaphang wa u App SBI Quick heiwa ki bru ye ki u booh yei rukom krehkaam ki ATM yong ki deiwa jied wa ymhoi u sai poisa na ki ATM wei ye u su hei thied ya ki tiar Online wei kamjooh wow tynyap ya ka ATM lada chah tooh ko.

Yow sñiawskem kiwa puræ u pynemkaam ya kini ki App da pynyoo leh kammon u Download wei wow Install ya u SBI Buddy kamjooh wow phah poisa na kawi ka phone cha kawi.

Kani ka pynsñiawthooh paidbah da pynman da ka NSS Unit ka Thomas Jones College Jowai.

Share this:
Share on Facebook0Tweet about this on TwitterGoogle+0
Advertisement ad1