15 49.0138 8.38624 1 1 4000 1 http://wyrta.com 300 0

Ym yahap wow pyndooh bordiñ ya ka chnong du neidaw wa em ki kattu katni kiwa ym em su bai bordiñ: George Lyngdoh

0 Comments
Advertisement ad1
Advertisement ad1

Shillong: U MLA ka Congress na Umroi, u George Lyngdoh ynne da ong u hapoh ka dorbar wa ym yahap wow dam u chna namo wow kylliang thymme ya ki Transformer wa sih du neidaw wa em ki kattu katni hapoh ka chnong kiwa ym em su bai bordiñ.

Hawa jubab ya ini u montri wa pait ya ka bordiñ u James K Sangma da ong waka Meghalaya Energy Corporation Limited (MeECL) kam ka Corporation hap krehkaam ko katkam ki kyndon.

U James da ong u wa ka MeECL dang hap su ko chaka North Eastern Electric Power Corporation (NEEPCO) palat T. 500 Klur wei lada ym em ki kyndon ki paidbah daw dam ki u su ya iwa toh u su ki.

“Dang thooh laad i leh kammon wow yoh ya iwa ym pu em su ki paidbah,” da ong u James.

Neiliang u George da ong boon kiwa im cha ki chnong wa em cha nongkyndong da phah ya ki wow su ki ya ka bai bordiñ chwa wow chna ya u Transformer wei ka bai bordiñ man ko kawa syad kawa ym ye ki u su.

“Ka bai bordiñ toh kawa ym poi heipor wa biang wei da phah syndon ya ka bai bordiñ 2-3 bnai chisien phah iwa da booh ya ki bru ha iwa eh, wei ini waroh da mih du neidaw wym biang i saam bai bordiñ,” da ong u George.

Da pynbaad u leh wa ki bru wa da pynkit ha ki wow saam ya ka bai bordiñ ym em leh ki ya ki kaam yong ki wei da e ki cha uwi uwa chnong chnong wow leh ya ini ya ki.

Da ong u leh wa ka MeECL ka em ko jar jiar hi kyndon ya kiwa im cha sor wa kiwa em cha nongkyndong.

Da ong u leh wa cha ki chnong nongkyndong da ah yaka bordiñ lada em kiwa ym su yaka bordiñ katwa cha sor won ym em leh ya ini iwa pynyoo yei leh chiliang.

Neiliang u James da kyntait u ya ini wei da pdiang u leh wa em hi i thut hei rukom saam bai bordiñ cha nongkyndong wa ym poi ki heipor wa biang.

Da ong u leh wa kani ka chnat sorkar da thooh ko boon ki laad yow pynbait ya ini wei i pynemkaam ya u Pre-paid Meter man ko kam kiwi na kini.

Da pyntip leh wa da em 395 tylli ki Transformer kiwa da thied ka chnat bordiñ yow pynbiang i pynpoi cha ki chnong nongkyndong ha u snem 2018.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply