Advertisement ad1

Shillong: U President ka Meghalaya Pradesh Congress Committee (MPCC), u Dr. DD Lapang da pyntikna u wa da yoh ya ka ujor naka Jowai Block Congress Committe pyrchah ya u Sniawbhalang Dhar hajrong wa chah pynbaad u wa thmu u wow pynieñ kyrtong ha i thaw yong u MLA wa katni na Jowai, u Dr. Roytre Christopher Laloo.

U Dr. Lapang da ong u hadien wa kut ka yalang ha ka yungkrehkaam ka party ynne ka sngi “Nga da yoh O ya ka ujor hajrong ini, tangwa ym pu em yoh O wow pait ya ka.”

Advertisement ad1

Da ong u leh wa ka party ympu em chong pyrkhat ko wow pynsakhait yei chah pynbaad, da ong u Lapang wei ka party daw lai ko katkam ki kyndon krehkaam ka party chwa wow chim ya kawon kawon ka rai.

Hei yatoh won wei dooh mynsien ki paidbah ya ka Congress hapoh ka jylla, u President ka MPCC da ong u wa ka Congress man ko kam u dieñ wa jrong tam wei neitæ idaw waroh sñiawsuk ki wow pakhot ktieh ya ka wei manda kut daw yoo yeiwa sakhiat.

Ha kani ka yalang da em leh u MLA ka Telegana uwa man leh kam u Public Relations Officer ka Congress ha Meghalaya wei da pyntip u leh wa waroh kiwa psiah dkhot wa ka party ha ka jylla da poi hadooh palat 2 lak ngut wa kynthup ya ki dkhot kiwa rim wa kiwa dang psiah thymme.

Da pyntip u leh ka party daw rai smat ko wow pyllait ya ki pytuid ki ki kyrtong wow yakhun Election MLA.

Share this:
Share on Facebook0Tweet about this on TwitterGoogle+0
Advertisement ad1